Latest News

अल्पवयीन अनुयायी बलात्काराच्या आरोपाखाली जन्मठेपेची शिक्षा भोगत असलेल्या आसाराम बापूंना ७ दिवसांचा जामीन मंजूर झाला आहे. गेल्या ११ वर्षात त्यांना जामीन मिळण्याची ही पहिलीच वेळ असून पुण्यातील आयुर्वेदिक रुग्णालयात उपचारासाठी पॅरोल देण्यात आला आहे.

पुणे जमीन अधिग्रहण प्रकरणात सर्वोच्च न्यायालयाने महाराष्ट्र सरकारला लाडकी बहीण योजनेवरुन धारेवर धरले आहे. जमीन मालकाला योग्य मोबदला न दिल्यास लाडकी बहीण योजनेवर बंदी घालण्याचा इशारा देण्यात आला आहे.

ठाणे जिल्ह्यात ७३ वर्षीय व्यक्तीला १६ वर्षीय मुलीवर घरात घुसून बलात्कार केल्याप्रकरणी अटक करण्यात आली आहे. आरोपी आणि मुलगी एकमेकांना ओळखतात. ९ ऑगस्ट रोजी अंबरनाथ परिसरात मुलगी घरात एकटी असताना आरोपीने तिच्यावर बलात्कार केला.

गुंतवणूकदार सौरव दत्ता यांनी वार्षिक २५ लाख रुपयांचा पगार आजच्या काळात काहीच नसल्याचे म्हटलंय, ज्यामुळे सोशल मीडियावर वाद निर्माण झाला आहे. यांच्या मते ३-५ वर्षांचा अनुभव असलेले सॉफ्टवेअर इंजिनीअरही यापेक्षा जास्त कमावतात.

अजित पवार यांनी लोकसभा निवडणुकीत पत्नी सुनेत्रा यांना चुलत बहीण सुप्रिया सुळे यांच्या विरोधात उभे करण्याची चूक केल्याचे मान्य केले आहे. 'जन सन्मान यात्रे' दरम्यान त्यांनी ही खंत व्यक्त केली.