Crime news

पुण्यात तीन अल्पवयीन मुलांना पोलीस गाडीच्या बोनेटला बांधून त्यांची धिंड काढल्याचा एक व्हिडिओ व्हायरल झाला होता. या प्रकरणामुळे आता भारती विद्यापीठ पोलीस स्टेशनचे वरिष्ठ पोलीस निरीक्षक मानसिंग पाटील यांची विशेष शाखेत बदली करण्यात आली आहे.

नागपूरमध्ये एका 17 वर्षांच्या उदयोन्मुख महिला क्रिकेटरने आत्महत्या केल्याची धक्कादायक घटना घडली आहे. अंडर-19 टीममध्ये निवड न झाल्याने अदिती चौखंडे नावाच्या या तरुणीने हे टोकाचं पाऊल उचललं. तिने भावासाठी एक सुसाईड नोटही लिहून ठेवली, ज्यामुळे युवा खेळाडूंवरील मानसिक दबावाचा मुद्दा पुन्हा एकदा समोर आला आहे.

उत्तर प्रदेशच्या मथुरेत एका महिलेवर गुन्हा दाखल झाला आहे. २८ जून रोजी तिने आपल्या तीन वर्षांच्या मुलाचा गळा दाबून जीव घेतल्याचा पोलिसांना संशय आहे. काही आठवड्यांनंतर, नवऱ्याने तिला फोनवर दुसऱ्या पुरुषासोबत मुलाच्या मृत्यूविषयी बोलताना ऐकलं आणि हे प्रकरण उघडकीस आलं. पोलीस आता पोस्टमॉर्टमसाठी मुलाचा मृतदेह बाहेर काढणार आहेत.

पुण्यातील लोहगड येथे हत्या झालेल्या केतन अग्रवालच्या हत्येला एक महिना पूर्ण झाला आहे. यानंतर त्याच्या कुटुंबीयांनी दगडूशेठ हलवाई गणपती मंदिरात जाऊन न्यायासाठी साकडं घातलं. यावेळी केतनच्या बहिणीने आपल्या भावाला लवकरात लवकर न्याय मिळावा, अशी भावना व्यक्त केली.

केतन अग्रवाल यांचे वडील विशाल अग्रवाल यांनी मुलाच्या प्रकरणात लवकरात लवकर न्याय मिळावा, अशी मागणी केली. तपासावर विश्वास असल्याचे सांगत त्यांनी खटला फास्ट ट्रॅक न्यायालयात चालवून आरोपींना कठोर शिक्षा व्हावी, अशी अपेक्षा व्यक्त केली. मुलाच्या निधनानंतर वडिलांचाही मृत्यू झाल्याने कुटुंबावर दुहेरी दुःख कोसळल्याचे त्यांनी सांगितले. नरेंद्र मित्तल यांच्याबाबत संशय व्यक्त करताना तपास यंत्रणांवर पूर्ण विश्वास असल्याचेही त्यांनी स्पष्ट केले. समाजाने न्यायासाठी अशीच साथ कायम ठेवावी, असे आवाहनही त्यांनी केले.

प्रवीण गोयल यांनी FDA कारवाईबाबत भूमिका स्पष्ट केली. अन्न व औषध प्रशासनाच्या अधिकाऱ्यांनी दुकानातून चार नमुने तपासणीसाठी घेतल्याचे त्यांनी सांगितले. दुकानातील सर्व वस्तूंची खरेदी बिले अधिकाऱ्यांना देण्यात आली असून परवाना नव्या पत्त्यावर अपडेट करण्याची प्रक्रिया सुरू असल्याचेही त्यांनी स्पष्ट केले. नवीन परवाना मिळेपर्यंत दुकान बंद ठेवण्याच्या सूचना FDA ने दिल्या असून त्या सूचनांचे पालन करत असल्याचे त्यांनी सांगितले. दुकान सील करण्यात आलेले नसल्याचे स्पष्ट करत काही कट रचला जात असल्याचा संशय व्यक्त केला. मात्र, कायद्यावर पूर्ण विश्वास असून चौकशीत जे निष्पन्न होईल ते स्वीकारू, असेही त्यांनी म्हटले.

पुण्यातील कामशेतजवळ फिरायला गेलेल्या एका कुटुंबाचे पुणे ग्रामीण पोलिसांनीच अपहरण केल्याची धक्कादायक घटना घडली आहे. ड्रग्स ठेवल्याचा बनाव रचून ५ लाखांची मागणी करण्यात आली, मात्र मुलाने स्मार्ट वॉचद्वारे नातेवाईकांना कळवल्याने पिंपरी चिंचवड पोलिसांनी या प्रकरणाचा छडा लावला.

नवी मुंबईतील तळोजा येथे एका भरधाव कारचालकाने नियंत्रण सुटल्याने दहा जणांना उडवले. या भीषण अपघातात दोघांचा जागीच मृत्यू झाला असून आठ जण जखमी आहेत. चालक घटनास्थळावरून फरार झाला असून पोलीस अधिक तपास करत आहेत.

मराठा आंदोलक मनोज जरांगे यांना धमकी देणारी एक ऑडिओ क्लिप व्हायरल झाली आहे. "त्या चौथी पास जरांगेला तर गोळी मारायला पाहिजे," असे या क्लिपमध्ये म्हटले असून, ही क्लिप बीडमधील विलास घुले हत्या प्रकरणाशी संबंधित असल्याचे सांगितले जात आहे. या घटनेमुळे राज्यात आणि विशेषतः बीडमध्ये खळबळ उडाली आहे.

सिया आणि केतन प्रकरणात, सियाने माध्यमांना बोट दाखवून अश्लील वर्तन केले. यावर आमदार सुधीर मुनगंटीवार यांनी प्रतिक्रिया दिली असून, पैशाच्या मस्तीमुळे आलेला हा अहंकार उतरेल असे परखड मत त्यांनी व्यक्त केले आहे.