India

कर्नाटक प्रदेश महिला काँग्रेसच्या अध्यक्षा सौम्या रेड्डी यांनी आपल्या पदाचा राजीनामा दिला आहे. दोन वर्षांचा कार्यकाळ संपल्याचं त्यांनी सांगितलं. काँग्रेसच्या ५ गॅरंटी योजनांचं त्यांनी कौतुक केलं, पण राज्य मंत्रिमंडळात एकाही महिलेला मंत्री न केल्याबद्दल त्यांनी नाराजी व्यक्त केली.

दांडियाचा सीझन संपल्यानंतर ई-कॉमर्स कंपन्यांना परत केलेल्या पार्सलचा एक मोठा ढीग दाखवणारा व्हिडिओ सध्या सोशल मीडियावर चर्चेचा विषय ठरलाय. सणासुदीला घातलेले कपडे आणि दागिने वापरून लोक रिटर्न पॉलिसीचा गैरफायदा घेत आहेत का, असा सवाल आता नेटकरी विचारत आहेत.

६ महिन्यांपेक्षा कमी वयाच्या बाळांच्या अन्नात आता साखर किंवा फ्रक्टोज मिसळता येणार नाही. लहान मुलांच्या आरोग्याचा विचार करून भारतीय अन्न सुरक्षा आणि मानके प्राधिकरणाने (FSSAI) हा नवा प्रस्ताव आणला आहे.

नेहा बोरा हिला काल दिल्ली पोलिसांनी ताब्यात घेतलं होतं, तिची पोलिसांनी पहाटे सुटका केल्यानंतर बाहेर आल्याबरोबर मीडियाने तिच्याशी संवाद साधायचा प्रयत्न केला तेव्हा असं लक्षात आलं नेहा बोरा हिला बाहेर काय घडतंय, याची कोणतीही माहिती देण्यात आलेली नव्हती, बाहेर आल्यानंतर तिने आपल्याच कार्य़कर्त्यांना प्रश्न विचारले, काय विचारलं ते या व्हिडीओत पाहा

राजस्थानच्या कोटा येथील एका प्रसिद्ध कोचिंग क्लासमध्ये अकरावीच्या दोन विद्यार्थ्यांमध्ये जोरदार हाणामारी झाली. एका विद्यार्थ्याने दुसऱ्यावर खेळण्यातील बंदुकीने हल्ला केल्याचा व्हिडिओ सध्या व्हायरल होतोय. या घटनेनंतर विद्यार्थ्यांच्या सुरक्षेचा प्रश्न पुन्हा ऐरणीवर आला असून पोलिसांनी तपास सुरू केला आहे.

भोपाळच्या न्यू मार्केटमध्ये महानगरपालिकेच्या मॉक ड्रिलदरम्यान एका ४५ वर्षीय महिलेला अग्निशमन दलाच्या गाडीने धडक दिली. या अपघातात महिलेच्या पायाला गंभीर दुखापत झाली असून तिच्यावर शस्त्रक्रिया सुरू आहे.

प्रियागोल्ड आणि इतर दोन कंपन्यांवर बिस्किटांमध्ये गुरांचा कोंडा (कॅटल फीड ब्रॅन) वापरल्याच्या आरोपावरून कायदेशीर कारवाई सुरू असल्याची चर्चा आहे. यामुळे अन्नाचा दर्जा आणि सुरक्षेवर प्रश्नचिन्ह निर्माण झाले आहे. सणासुदीच्या पार्श्वभूमीवर FSSAI ने अन्न सुरक्षा तपासणी अधिक कडक केली आहे.

FSSAI ने बिगबास्केट, फ्लिपकार्ट आणि जेमिनी एडिबल्सला नोटीस पाठवली आहे. फ्रीडम कुकिंग राईस ब्रॅन ऑइलच्या जाहिरातीत कोलेस्ट्रॉल आणि हृदयाच्या आरोग्याबाबत चुकीचे दावे केल्याचा ठपका त्यांच्यावर ठेवण्यात आला आहे. हे दावे जाहिरात नियमांच्या विरोधात असल्याचं FSSAI ने म्हटलं आहे.

तुमची प्रतिक्रिया जरुर व्यक्त करा

टीसीएस (TCS) कंपनीत नोकरी मिळवायची असेल, तर आता फक्त जुने स्किल्स चालणार नाहीत. कंपनीच्या नव्या भरतीत ८० टक्के उमेदवारांकडे डिजिटल आणि नेक्स्ट-जेन टेक्नॉलॉजीचे स्किल्स असणं गरजेचं आहे. फक्त ChatGPT येऊन चालणार नाही, तर आणखी काय हवंय?