LIC New Plans : एलआयसीच्या ३ नव्या भन्नाट पॉलिसी, ग्राहकांना लागणार जॅकपॉट!
एलआयसी (LIC) १९ ऑक्टोबरला ३ नव्या पॉलिसी बाजारात आणत आहे. 'न्यू जीवन धारा-II', 'हेल्थ शील्ड' आणि 'कॅन्सर कव्हर' अशी या पॉलिसींची नावे आहेत. या तिन्ही पॉलिसी शेअर बाजारावर अवलंबून नाहीत.
एलआयसीच्या ३ नव्या पॉलिसी
भारतीय आयुर्विमा महामंडळ (LIC) ग्राहकांसाठी तीन नव्या पॉलिसी आणत आहे. १९ ऑक्टोबरपासून या पॉलिसी विक्रीसाठी उपलब्ध होतील.
या तिन्ही पॉलिसी 'नॉन-लिंक्ड' आणि 'नॉन-पार्टिसिपेटिंग' आहेत. याचा अर्थ, तुम्ही गुंतवलेला पैसा शेअर बाजारात लावला जाणार नाही. शिवाय, एलआयसीच्या बोनसवरही तुमचा परतावा अवलंबून नसेल. पॉलिसी घेतानाच तुमचे फायदे आणि गॅरंटीड रिटर्न्स निश्चित केले जातील. चला तर मग, या ३ पॉलिसींबद्दल सविस्तर जाणून घेऊया.
एलआयसी न्यू जीवन धारा-II (प्लॅन ८९२)
ही एक 'डेफर्ड अॅन्युइटी' (Deferred Annuity) म्हणजेच हमखास पेन्शन देणारी योजना आहे. यात तुम्हाला ठराविक काळासाठी प्रीमियम भरावा लागतो. त्यानंतर 'डेफरमेंट पिरियड' संपला की, तुम्हाला आयुष्यभर गॅरंटीड पेन्शन मिळते.
प्रीमियम भरण्याची पद्धत - तुम्ही यात एकरकमी (Single Premium) किंवा नियमित (Regular Premium) प्रीमियम भरू शकता. तसेच, स्वतःसाठी (Single Life) किंवा जोडीदारासह (Joint Life) पेन्शनचा पर्याय निवडू शकता.
टॉप-अप सुविधा - या प्लॅनमध्ये 'टॉप-अप' सुविधाही आहे. म्हणजेच, डेफरमेंट पिरियडमध्ये तुम्ही अतिरिक्त प्रीमियम भरून तुमची पेन्शनची रक्कम वाढवू शकता.
एलआयसी हेल्थ शील्ड (प्लॅन ९०७)
हा एक 'फिक्स्ड बेनिफिट हेल्थ प्लॅन' (Fixed Benefit Health Plan) आहे.
निश्चित रक्कम - नेहमीच्या इन्शुरन्ससारखे हॉस्पिटलच्या बिलावर अवलंबून न राहता, ही पॉलिसी तुम्हाला आधीच ठरलेली निश्चित रक्कम देते.
हॉस्पिटल कॅश बेनिफिट - तुम्ही हॉस्पिटलमध्ये भरती झाल्यास, प्रत्येक दिवसासाठी एक ठराविक रक्कम (Daily Hospital Cash Benefit) मिळते. मोठ्या उपचारांसाठी आणि सर्जरीसाठी ही पॉलिसी एकरकमी (Lump-sum payout) पैसे देते. फॅमिली कव्हर - विशेष म्हणजे, एकाच पॉलिसीमध्ये तुम्ही संपूर्ण कुटुंबाला कव्हर करू शकता.
एलआयसी कॅन्सर कव्हर (प्लॅन ९०८)
एलआयसीचा हा कॅन्सर कव्हर (प्लॅन ९०८) कर्करोगाच्या सुरुवातीच्या किंवा गंभीर टप्प्यावर आर्थिक सुरक्षा देतो.
तातडीची आर्थिक मदत - कॅन्सरचे निदान होताच, तुम्ही निवडलेल्या कव्हरच्या (Sum Assured) रकमेतील एक ठराविक हिस्सा तुम्हाला लगेच मिळतो.
मासिक उत्पन्न - जर कॅन्सर गंभीर स्वरूपाचा असेल, तर पुढील काही वर्षांसाठी तुम्हाला दरमहा निश्चित उत्पन्न दिले जाते.
प्रीमियम माफी - सर्वात महत्त्वाचे म्हणजे, गंभीर कॅन्सरचे निदान झाल्यानंतर तुमचे पुढचे सर्व प्रीमियम माफ केले जातात.
