Passport Application : नवीन पासपोर्ट काढायचाय? अर्ज कसा करायचा, फी किती? जाणून घ्या संपूर्ण माहिती!

नवीन पासपोर्टसाठी ऑनलाइन अर्ज कसा करायचा, कोणती कागदपत्रे लागतात आणि 2026 मधील नवीन फी किती आहे, हे जाणून घ्या. नॉर्मल आणि तत्काळ पासपोर्टच्या फीची संपूर्ण माहिती इथे वाचा!

Image Credit : Getty

पासपोर्ट काढण्यासाठी सर्वात आधी काय करावं?

परदेशात जाण्याचा विचार करताय? मग सर्वात आधी पासपोर्ट काढण्याची प्रक्रिया समजून घ्या. भारतात पासपोर्ट काढण्यासाठी तुम्ही परराष्ट्र मंत्रालयाच्या passportindia.gov.in या अधिकृत वेबसाईटचा वापर करू शकता. पहिल्यांदाच पासपोर्ट काढणारे 'फ्रेश पासपोर्ट'चा पर्याय निवडू शकतात. तर ज्यांच्याकडे आधीच पासपोर्ट आहे, ते नूतनीकरण (Renewal) किंवा माहिती बदलण्यासाठी 'रि-इश्यू'चा पर्याय निवडू शकतात.

Image Credit : X

ऑनलाइन अर्ज कसा करायचा?

सर्वात आधी पासपोर्टच्या अधिकृत वेबसाईटवर अकाऊंट तयार करा. ईमेल व्हेरिफाय करून लॉग-इन करा. त्यानंतर 'फ्रेश' किंवा 'रि-इश्यू' पासपोर्टचा पर्याय निवडा. तुमची वैयक्तिक माहिती, कुटुंबाची माहिती, पत्ता आणि इमर्जन्सी कॉन्टॅक्ट भरून अर्ज सबमिट करा. अर्ज सबमिट केल्यावर तुम्हाला एक रेफरन्स नंबर मिळेल. त्यानंतर फी भरा आणि पासपोर्ट सेवा केंद्रात जाण्यासाठी तुमची अपॉइंटमेंट बुक करा.

Image Credit : Getty

पासपोर्ट काढण्यासाठी कोणती कागदपत्रे लागतात?

नवीन पासपोर्टसाठी अर्ज करताना पत्ता आणि जन्मतारखेचा पुरावा जवळ ठेवा. यासाठी खालील कागदपत्रे चालतील:

• आधार कार्ड: पत्ता आणि फोटो आयडी म्हणून चालते; आधारची माहिती व्हेरिफाय केली जाते.
• मतदान कार्ड: पत्ता आणि जन्मतारखेचा पुरावा म्हणून वापरता येते.
• जन्म प्रमाणपत्र: जन्मतारखेचा मुख्य पुरावा.
• शाळेचा दाखला किंवा 10वीचे प्रमाणपत्र: जन्मतारीख असल्यास हे ग्राह्य धरले जाते.
• लाईट बिल किंवा रेंट ॲग्रीमेंट: सध्याच्या पत्त्याचा पुरावा म्हणून चालते.
• पॅन कार्ड किंवा ड्रायव्हिंग लायसन्स: जन्मतारीख बरोबर असल्यास हे देखील चालते.

पासपोर्ट रिन्यू करायचा असल्यास जुना पासपोर्ट सोबत नेणे बंधनकारक आहे.

टीप : ही केवळ उदाहरणे आहेत; सगळीच कागदपत्रे देण्याची गरज नसते. तुमचे वय आणि अर्जाच्या प्रकारानुसार कागदपत्रे बदलू शकतात. अर्ज करण्यापूर्वी अधिकृत वेबसाईटवर लिस्ट तपासा आणि मूळ कागदपत्रांसोबत त्यांच्या झेरॉक्स प्रती (Self-attested) सोबत ठेवा.

Image Credit : X

पासपोर्टची फी किती असते?

1 जुलै 2026 पासून लागू झालेल्या नवीन दरानुसार, नवीन पासपोर्ट किंवा रि-इश्यूसाठी खालीलप्रमाणे फी आकारली जाते:

• 36 पानांचा पासपोर्ट: प्रौढांसाठी नॉर्मल फी 2,500 रुपये; तत्काळ फी 5,000 रुपये.
• 60 पानांचा पासपोर्ट: प्रौढांसाठी नॉर्मल फी 3,500 रुपये; तत्काळ फी 6,000 रुपये.
• 18 वर्षांखालील मुलांसाठी (36 पाने): नॉर्मल फी 1,750 रुपये; तत्काळ फी 4,250 रुपये.

मुलांचे वय आणि पासपोर्टच्या प्रकारानुसार फी बदलू शकते. त्यामुळे अर्ज करण्यापूर्वी अधिकृत वेबसाईटवर फी नक्की तपासून घ्या.

Image Credit : Freepik

पासपोर्ट हरवल्यास किती फी लागते?

तुमचा पासपोर्ट हरवला किंवा खराब झाला, तर नवीन पासपोर्टच्या नेहमीच्या फीपेक्षा जास्त दंड भरावा लागतो.

• 36 पानांचा पासपोर्ट: प्रौढांसाठी नॉर्मल फी 5,000 रुपये; तत्काळ फी 7,500 रुपये.
• 60 पानांचा पासपोर्ट: प्रौढांसाठी नॉर्मल फी 6,000 रुपये; तत्काळ फी 8,500 रुपये.
• 18 वर्षांखालील मुलांसाठी (36 पाने): नॉर्मल फी 4,250 रुपये; तत्काळ फी 6,750 रुपये.

ही केवळ महत्त्वाची माहिती आहे. तुमच्या अर्जानुसार लागणारी अंतिम फी अधिकृत वेबसाईटवर नक्की तपासा.

Image Credit : Freepik

अपॉइंटमेंट आणि पोलीस व्हेरिफिकेशन — पुढे काय?

फी भरल्यानंतर मिळालेल्या अपॉइंटमेंटच्या वेळेनुसार पासपोर्ट सेवा केंद्र किंवा पोस्ट ऑफिस पासपोर्ट सेवा केंद्रात जा. तिथे जाताना मूळ कागदपत्रे आणि त्यांच्या झेरॉक्स प्रती सोबत ठेवा. तिथे तुमचा फोटो, बायोमेट्रिक माहिती आणि कागदपत्रांची पडताळणी केली जाते.

त्यानंतर पोलीस व्हेरिफिकेशनची प्रक्रिया पूर्ण होते. तुम्ही तुमच्या अर्जाचे स्टेटस वेबसाईटवर ट्रॅक करू शकता. अर्जाचा प्रकार आणि व्हेरिफिकेशन प्रक्रियेनुसार पासपोर्ट मिळायला वेळ लागू शकतो.

नेहमी अधिकृत वेबसाईटचाच वापर करा आणि जास्तीचे पैसे मागणारे दलाल किंवा खोट्या वेबसाईटपासून सावध राहा. तुमची वैयक्तिक माहिती कोणालाही देऊ नका.