बुलेट ट्रेनचा वेग वाढला! २५ पैकी १७ नद्यांवर पूल तयार; मुंबईच्या BKC मध्ये देशातील पहिलं भूमिगत स्टेशन कसं असेल?

Mumbai-Ahmedabad bullet train update: मुंबई-अहमदाबाद बुलेट ट्रेन प्रकल्पाने गती घेतली असून ५०८ किमी मार्गावरील २५ पैकी १७ नद्यांवरील पुलांचे बांधकाम पूर्ण झाले. मुंबईतील बीकेसीत भूमिगत स्टेशनचा पाया रचण्याचे काम पूर्ण झाले आहे.

Image Credit : our own

बुलेट ट्रेनचा वेग वाढला! २५ पैकी १७ नद्यांवर पूल तयार

मुंबई: देशातील पहिल्या मुंबई-अहमदाबाद बुलेट ट्रेन प्रकल्पाने आता वेग घेतला आहे. ५०८ किमी लांबीच्या या महत्त्वाकांक्षी मार्गावरील आव्हानात्मक कामे वेगाने पूर्ण होत असून, प्रवाशांना लवकरच 'हायस्पीड' प्रवासाचा अनुभव मिळणार आहे. या प्रकल्पातील सर्वात महत्त्वाची अपडेट म्हणजे मार्गातील २५ नद्यांपैकी तब्बल १७ नद्यांवरील पुलांचे बांधकाम यशस्वीरित्या पूर्ण झाले आहे. 

Image Credit : @IndianTechGuide

नद्यांवरील पुलांचे जाळे, कुठे काय घडतंय?

बुलेट ट्रेनचा मार्ग अनेक नद्या ओलांडून जाणार आहे. यामध्ये गुजरात आणि महाराष्ट्रातील प्रमुख नद्यांचा समावेश आहे.

सर्वात लांब पूल: पालघरमधील वैतरणा नदीवर तब्बल २ किमी लांबीचा सर्वात मोठा पूल उभारला जाणार आहे.

पूर्ण झालेले पूल: दमण गंगा (३६० मीटर), वतराक (२८० मीटर), मोहर (१६० मीटर), मेशवा आणि कावेरी (प्रत्येकी १२० मीटर) या नद्यांवरील कामे पूर्ण झाली आहेत.

साबरमतीचा विशेष पूल: अहमदाबादमधील साबरमती नदीवर ४८० मीटर लांबीच्या पुलाचे काम सध्या अंतिम टप्प्यात आहे. 

Image Credit : Gemini

मुंबईत बीकेसी (BKC) येथे हायटेक भूमिगत स्टेशन

मुंबईकरांसाठी आनंदाची बाब म्हणजे, वांद्रे-कुर्ला संकुलात (BKC) बुलेट ट्रेनचे भव्य भूमिगत रेल्वे स्टेशन साकारले जात आहे.

सध्या या स्टेशनचा पाया रचण्याचे काम (Foundation Work) पूर्ण झाले असून, बांधकामाला वेग आला आहे.

महाराष्ट्रात एकूण ४ स्थानके असतील, तर गुजरातमध्ये साबरमती स्थानकाच्या छताचे काम प्रगतीपथावर आहे. 

Image Credit : Gemini

प्रकल्पाचे वैशिष्ट्य

मुंबई-अहमदाबाद हे अंतर अवघ्या काही तासांत कापणाऱ्या या बुलेट ट्रेनमुळे दोन्ही शहरांमधील कनेक्टिव्हिटी वाढणार आहे. ५०८ किमीच्या या मार्गावर अत्याधुनिक तंत्रज्ञानाचा वापर केला जात असून, नदीपूल आणि बोगद्यांचे काम हे या प्रकल्पातील अभियांत्रिकीचे उत्तम उदाहरण ठरणार आहे.