Belly Fat : पोटावरील चरबी घटवण्यासाठी घरच्या घरी करा हे व्यायाम

Belly Fat Problem: प्रत्येकाकडे जिममध्ये जाऊन वजन कमी करण्याएवढा वेळ नसतो. यासाठी बहुतांश लोक घरच्या घरीच वजन कमी करण्यासाठी काही उपाय करतात. पोटावरील वाढलेली चरबी कमी करण्यासाठी कोणता व्यायाम करावा असा प्रश्न पडलाय? जाणून घेऊया सविस्तर...

Image Credit : Getty

पोटावरील चरबी कमी करण्यासाठी व्यायाम

Fat Loss Exercises: आजकालची बिघडलेली लाइफस्टाइल आणि चुकीच्या खाण्यापिण्याच्या सवयींमुळे बहुतांशजणांना लठ्ठपणाच्या समस्येचा सामना करावा लागतो. यामुळे विविध आजार मागे लागतात. शिवाय थंडीत शरीराची हालचाल अधिक होत नसल्याचे देखील वजन वाढले जाते.

हेल्दी राहण्यासाठी आठवड्यातून किमान चार वेळा व्यायाम करण्याचा सल्ला आरोग्य तज्ज्ञांकडून दिला जातो. यामुळे शरीरातील रोगप्रतिकारक शक्ती ते स्नायू मजबूत होण्यास मदत होते. घरच्या घरी काही सोप्प्या व्यायामाच्या मदतीने पोटावरील चरबी कमी करू शकता.

Image Credit : Getty

दोरीच्या उड्या

शरीरातील अतिरिक्त कॅलरीज बर्न करण्यासाठी दोरीच्या उड्यांचा पर्याय बेस्ट आहे. याच्या मदतीने पोटावरील चरबी वेगाने कमी होईल. दिवसातून अर्धा तास दोरीच्या उड्या मारल्याने जवळपास 300 कॅलरीज बर्न होऊ शकतात. त्याचसोबत उच्च रक्तदाब आणि हृदयाशी संबंधित आजारांचा धोका कमी होतो. गुडघ्यांचा त्रास असल्यास दोरीच्या उड्यांचा व्यायाम करणे टाळा.

Image Credit : Getty

पुश-अप

पुश-अप व्यायामुळे शरीरातील स्नायू बळकट होतात. खासकरून हात, पोट आणि पायाचे स्नायू मजबूत होतात.पहिल्यांदाच पुश-अप एक्सरसाइज करणार असल्यास जिम ट्रेनरची मदत घ्या. चुकीच्या पद्धतीने पुश-अप केल्यास शरीराच्या स्नायूंवर अधिक ताण पडला जाईल.

Image Credit : Getty

सायकलिंग

दररोज अर्धा तास सायकलिंग केल्याने आरोग्याला मोठा फायदा होतो. हृदयाचे आरोग्य देखील निरोगी राहण्यास मदत मिळू शकते. त्याचसोबत शरीराचे स्नायू टोन्ड होण्यासह वजन कमी होण्यास मदत मिळू शकते. यामुळे पोटावरील चरबी देखील कमी होते. सायकलिंग करताना पायांची सतत हालचात होत असल्याने पायाचे स्नायूही मजबूत होतात.

Image Credit : Getty

बर्पी एक्सरसाइज

शरीरातील अतिरिक्त फॅट्स कमी करण्यासाठी बर्पी एक्सरसाइज करू शकता. बर्पी एक्सरसाइज करताना अधिक थकवा येऊ शकतो. यामुळे शक्य होईल तितकाच वेळ हा व्यायाम करावा. बर्पी एक्सरसाइजमुळे शरीराचा स्टॅमिना वाढला जातो. 

Image Credit : Getty

प्लँक एक्सरसाइज

प्लँक एक्सरसाइजचा सराव करू शकता. यामुळे पोटाचे स्नायू मजबूत होतात आणि पोटावरील चरबी वेगाने कमी होण्यास मदत होते. शिवाय पाठीचा कणा मजबूत होतो आणि मूडही फ्रेश राहतो.

आणखी वाचा: 

Image Credit : Getty

तज्ज्ञांचा सल्ला

Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.