23rd May 2025 Live Updates: १४ हजारांची लाच घेताना पोलीस पकडला, वाळू वाहतूक प्रकरणात मागितली रक्कम

यवतमाळ जिल्ह्यातील उमरखेड तालुक्यात वाळू वाहतूक प्रकरणात १४ हजार रुपयांची लाच घेताना पोलीस उपनिरीक्षक गजानन माळी यांना लाचलुचपत प्रतिबंधक विभागाने रंगेहात पकडले. 

३ जून २०२५ पासून काही जुन्या Amazon Fire TV उपकरणांवर नेटफ्लिक्सची सेवा बंद होणार आहे. यात पहिल्या पिढीतील Fire TV बॉक्स, Fire TV Stick आणि Alexa व्हॉइस रिमोटसहचा Fire TV Stick यांचा समावेश आहे. 

जम्मू-काश्मीरमधील पहलगाम येथे झालेल्या हल्ल्याच्या निषेधार्थ शिवसेना खासदार श्रीकांत एकनाथ शिंदे यांच्या नेतृत्वाखालील सर्वपक्षीय शिष्टमंडळाने पत्रकार परिषद घेतली.

पुण्यातील वैष्णवी हगवणे मृत्यू प्रकरणात तिच्या मोठ्या जाऊ मयुरी हगवणे हिच्या आईने, लता जगताप यांनी, महाराष्ट्र राज्य महिला आयोगाला पाठवलेल्या पत्रात हगवणे कुटुंबावर गंभीर आरोप केले होते.

भीलवाड्यातील जैन मंदिरातून १.३ कोटींचे सोने, चांदी आणि दुर्मिळ कासव चोरीला गेले. चोरांची कृती CCTVमध्ये कैद झाली असून, पोलीस तपास करत आहेत.

भारतीय डाकसेवेने माथेरानसारख्या दुर्गम डोंगराळ भागात ड्रोनद्वारे पार्सल पोहोचवण्याचा यशस्वी प्रयोग केला आहे. यामुळे पारंपरिक वाहतुकीच्या तुलनेत वेळेची मोठी बचत होणार आहे. 

किम जोंग उन यांच्या उपस्थितीत ५००० टन वजनाची नवी युद्धनौका लाँचिंगच्या वेळी पाण्यात पलटली. उपग्रह छायाचित्रांमध्ये जहाज उलटे दिसले. किम यांनी या अपयशाला "अक्षम्य अपराध" म्हटले आहे.

महापालिकेने स्पष्ट केले आहे की, ज्या कुत्रा मालकांनी आपला कुत्रा नोंदवला नाही किंवा परवाना घेतला नाही, त्यांच्यावर कडक कायदेशीर कारवाई केली जाईल.

वैष्णवी हगवणे प्रकरणात तिच्या वडिलांनी पुणे बार असोसिएशनला पत्र लिहून आरोपी कुटुंबियांसाठी कोणताही वकील काम करू नये अशी विनंती केली आहे. पत्रात त्यांनी मुलीच्या मृत्यूनंतरच्या वेदना आणि हुंडाबळीविरोधातील भूमिका मांडली आहे. 

जागतिक पातळीवर प्रसिद्धी असलेल्या लेखकांच्या साहित्याकडे परीक्षक सहज लक्ष देतात. पण बानू मुश्ताक यांना आंतरराष्ट्रीय स्तरावर फारशी ओळख नव्हती. तरीही त्यांच्या साहित्याने परीक्षकांची मने जिंकली. हे कसे घडले, जाणून घ्या..

पंतप्रधान नरेंद्र मोदी २५ मे रोजी दिल्लीतील अशोका हॉटेलमध्ये भाजप नेतृत्वाखालील एनडीए-शासित राज्यांच्या मुख्यमंत्री आणि उपमुख्यमंत्र्यांच्या उच्चस्तरीय बैठकीचे अध्यक्षस्थान करणार आहेत.

रोहित शर्माच्या निवृत्तीनंतर, शुबमन गिल भारताचा कसोटी कर्णधार होण्याची शक्यता आहे, तर ऋषभ पंत उपकर्णधार म्हणून काम पाहतील. जसप्रीत बुमराह आणि केएल राहुल यांचाही विचार करण्यात आला होता.

६० वर्षांचे एक नामवंत वकील आणि ५० वर्षांची महिला डॉक्टर, जी त्यांची बालपणीची मैत्रीण व माजी प्रेयसी होती, दोघं घरदार, संसार, जबाबदाऱ्या सोडून एकमेकांसोबत पळून गेले. मात्र ही प्रेमकहाणी केवळ २४ तासातच संपली.