- Home
- Entertainment
- Anant-Radhika Wedding : अंबानी परिवाराच्या लग्नसोहळ्यासाठी बॉलिवूड सेलिब्रेटी ते परदेशी पाहुण्यांचे आगमन, पाहा Guest Looks फोटोज
Anant-Radhika Wedding : अंबानी परिवाराच्या लग्नसोहळ्यासाठी बॉलिवूड सेलिब्रेटी ते परदेशी पाहुण्यांचे आगमन, पाहा Guest Looks फोटोज
Anant-Radhika Wedding : अनंत आणि राधिकाच्या शाही सोहळ्यासाठी पाहुणे येण्यास सुरुवात झाली आहे. रात्री 8 वाजल्यापासून कपलच्या लग्नाच्या विधींना सुरुवात होणार आहे. तत्पूर्वी पाहुण्यांनी दमदार एण्ट्री करत पापाराझींच्या समोर पोज दिल्याचे फोटो समोर आलेत.
मिजान जाफरीचा लूक
जावेद जाफरी यांचा मुलगा आणि अभिनेता मिजान जाफरीने अनंत-राधिकाच्या लग्नसोहळ्यासाठी उपस्थिती लावली आहे. यावेळी मिजानने खास लाल रंगातील शिमर कुर्ता आणि पटियाल पायजमा परिधान केला आहे. कुर्त्यावर DDC अक्षरांची खास डिझाइनही करण्यात आली आहे.
अनन्या पांडेचा खास लेहेंगा
अभिनेत्री अनन्या पांडेने पिवळ्या आणि गोल्डन रंगातील डिझाइन असणारा खास लेहेंगा परिधान केला आहे. या लेहेंग्यावरील ब्लाऊजवर अनन्याने Anant's Brigade अशी कस्टमाइज डिझाइन करुन घेतली आहे.
राजकुमार राव आणि पत्रलेखा
अनंत अंबानी-राधिका मर्चेंटच्या लग्नसोहळ्यासाठी राजकुमार राव आणि पत्रलेखाने उपस्थिती लावली आहे. पत्रलेखाने लाल रंगातील लेहेंगा परिधान केला आहे. यामध्ये पत्रलेखा अत्यंत सुंदर दिसतेय.
डब्लूडब्लूई जॉन सीना
इब्लूडब्लूईमधील जॉन सीनाने भारतीय पोषाखात पापाराझींसमोर पोज दिल्या आहेत. याशिवाय आपली सिग्नेचर पोजही जॉन सीनाने दिली आहे.
जॅकी श्रॉफचा लूक
अभिनेते जॅकी श्रॉफ यांनी पारंपारिक पोषाखात अनंत-राधिकाच्या लग्नसोहळ्यासाठी एण्ट्री केली आहे. जॅकी श्रॉफ यांनी पांढऱ्या रंगातील धोती घातल्याचे दिसून येत आहे.
खुशी कपूरचा मनमोहक अंदाज
हिरव्या रंगातील लेहेंग्यावर खुशी कपूरचा मनमोहक अंदाज दिसतोय. अगदी सिंपल आणि सोबर लूक खुशीने लग्नसोहळयासाठी केला आहे.
सारा अली खान आणि अब्राहम खानची एण्ट्री
अनंत अंबानी आणि राधिका मर्चेंटच्या लग्नसोहळ्यासाठी सारा अली खानने पेस्टल रंगातील लेहेंगा परिधान केला आहे. यामध्ये सारा अतिशय सुंदर दिसतेय. तर अब्राहमने काळ्या रंगातील सूट परिधान केला आहे.
अर्जुन कपूरचा कूल स्वॅग
अर्जुन कपूरने कूल स्वॅगमध्ये अनंत-राधिकाच्या लग्नसोहळ्यासाठी एण्ट्री केली आहे. याशिवाय अर्जुनच्या कुर्त्यावर मेरे यार की शादी असे लाल रंगात डिझाइनही करण्यात आले आहे.
विधू विनोद चोप्रांची परिवारासोबत उपस्थिती
अनंत आणि राधिकाच्या लग्नसोहळ्यासाठी विधू विनोद चोप्रांनी परिवारासोबत एण्ट्री केली.
गायक अनु मलिक यांची परिवारासोबत एण्ट्री
गायक अनु मलिकही परिवारासोबत अनंत-राधिकाच्या लग्नसोहळ्यासाठी पोहोचले आहेत.
संजय दत्त आणि दिग्दर्शक मधुर भांडारकर
संजय दत्तने डिझाइनर शेरवानी परिधान करत अनंत-राधिकाच्या लग्नसोहळ्यासाठी एण्ट्री केली. तर दिग्दर्शक मधुर भांडाकर यांचा सिंपल आणि सोबर लूक दिसला.
क्यूट कपल जेनेलिया आणि रितेशचा लूक
बॉलिवूडमधील क्यूट कपल जेनेलिया आणि रितेश देशमुखही अनंत-राधिकाच्या लग्नसोहळ्यासाठी पोहोचला आहे.
आणखी वाचा :
4 हजार तास वर्क केलेला इशाचा खास लेहेंगा, लिहिलाय गीतेमधील खास श्लोक