Diabetic Patient आहात? शुगर कंट्रोलमध्ये ठेवायचीय? मग हे ड्रिंक्स चुकूनही पिऊ नका!
Diabetic Patient : मधुमेहाच्या रुग्णांनी रक्तातील साखर नियंत्रणात ठेवण्यासाठी काही पेये पिणे टाळावे. ही पत्थे पाळल्यास शरीरातील साखर नियंत्रित राहिल. ती कोणती आहेत, ते येथे पाहूया.
मधुमेहींसाठी सर्वात वाईट पेये
आजकाल मधुमेही रुग्ण नाही असं एकही घर सापडणार नाही. चुकीच्या खाण्याच्या सवयी आणि जीवनशैलीमुळे हा आजार होतो. मधुमेहावर कोणताही कायमस्वरूपी इलाज नाही. म्हणूनच डॉक्टर मधुमेही रुग्णांना त्यांच्या आहाराकडे विशेष लक्ष देण्याचा सल्ला देतात. तरच रक्तातील साखरेची पातळी नियंत्रणात ठेवता येते. अशा परिस्थितीत, मधुमेही रुग्णांनी रक्तातील साखरेची पातळी नियंत्रणात ठेवण्यासाठी काही पेये पिणे टाळावे. या लेखात आपण अशा पेयांबद्दल जाणून घेऊया, जी मधुमेही रुग्णांच्या रक्तातील साखरेची पातळी रॉकेटच्या वेगाने वाढवू शकतात.
संत्र्याचा रस
तज्ज्ञांच्या मते, संत्र्याचा रस रक्तातील साखरेची पातळी वाढवतो. कारण संत्र्याच्या रसात साखरेचे प्रमाण जास्त असते. हे मधुमेही रुग्णांसाठी हानिकारक ठरू शकते. त्याऐवजी मधुमेही रुग्ण संत्री फळ म्हणून खाऊ शकतात. कारण त्यात असलेले फायबर पोटासाठी खूप फायदेशीर असते आणि पचनक्रिया सुधारते.
डाळिंबाचा रस
डाळिंबामध्ये अनेक जीवनसत्त्वे आणि पोषक तत्वे असतात. डाळिंबाचा रस आरोग्यासाठी चांगला मानला जात असला तरी, तो मधुमेही रुग्णांसाठी चांगला नाही. त्यामुळे मधुमेही रुग्णांनी डाळिंबाचा रस पिण्याऐवजी ते फळ म्हणून खाणे चांगले. विशेषतः बियांसोबत खाल्ल्यास पचनसंस्था सुधारते आणि पोटाच्या समस्या दूर होतात.
लाल द्राक्षांचा रस
लाल द्राक्षे खायला खूप चविष्ट असल्यामुळे अनेकांना ती आवडतात. या द्राक्षांमध्ये खनिजे आणि जीवनसत्त्वे भरपूर प्रमाणात असतात, जी आरोग्यासाठी खूप फायदेशीर आहेत. पण, या द्राक्षांचा रस मधुमेही रुग्णांसाठी चांगला नाही. कारण त्यात साखरेचे प्रमाणही जास्त असते. ते शरीरातील रक्तातील साखरेची पातळी वाढवते. या फळाचा रस प्यायल्यास त्यातील फायबर वाया जाते. थोडक्यात, लाल द्राक्षांचा रस आरोग्यासाठी फायद्यापेक्षा जास्त नुकसान करतो असे म्हटले जाते.
