WhatsApp Channel Monetization: व्हिडिओतून कमवा हजारो रुपये, जाणून घ्या कसं
WhatsApp Channel Monetization: यूट्यूब, इन्स्टाग्रामप्रमाणे आता तुम्ही व्हॉट्सॲपवरूनही पैसे कमवू शकता. व्हॉट्सॲपने एक नवीन कमाईची संधी आणली आहे. याबद्दल सविस्तर जाणून घेऊया.
13
Image Credit : Getty
व्हॉट्सॲपवरून पैसे कमवण्याची संधी
सध्या अनेकजण यूट्यूब, इन्स्टाग्रामसारख्या सोशल मीडिया प्लॅटफॉर्मवर व्हिडिओ आणि फोटो पोस्ट करून लाखो रुपये कमावत आहेत. आता व्हॉट्सॲपही तुम्हाला ही संधी देणार आहे. तुम्ही व्हॉट्सॲप चॅनल सुरू करण्याचा विचार करत असाल, तर हीच योग्य वेळ आहे, असं तज्ज्ञांचं म्हणणं आहे. पण यासाठी व्हॉट्सॲपने काही अटी ठेवल्या आहेत.
23
Image Credit : Asianet News
चॅनल सुरू करा आणि पैसे कमवा
मिळालेल्या माहितीनुसार, हे नवीन फीचर आल्यानंतर युजर्सना सर्व व्हॉट्सॲप चॅनल मोफत पाहता येणार नाहीत. काही खास चॅनल्ससाठी सबस्क्रिप्शन घ्यावं लागेल, म्हणजेच पैसे द्यावे लागतील. पण, सर्वच चॅनल्ससाठी पैसे मोजावे लागणार नाहीत. व्हॉट्सॲप तुम्हाला 'पेड चॅनल्स' आणि 'फ्री चॅनल्स' असे वेगवेगळे पर्याय दाखवेल. सबस्क्रिप्शन घेण्यापूर्वी युजर्सना त्या चॅनल आणि त्यातील सबस्क्रायबर्सबद्दल पूर्ण माहिती मिळेल.
33
Image Credit : Getty
व्हॉट्सॲप चॅनल कसं सुरू करायचं?
व्हॉट्सॲप चॅनल तयार करणं खूप सोपं आहे. तुम्ही अँड्रॉइड आणि आयफोन दोन्हीवर हे करू शकता. आधी व्हॉट्सॲप उघडून 'Updates' टॅबमधील 'Channels' सेक्शनमध्ये जा. तिथे 'Create Channel' या पर्यायावर क्लिक करा. व्हॉट्सॲपच्या सूचना वाचून पुढे जा. पुढच्या पेजवर तुमच्या चॅनलचं नाव आणि इतर माहिती भरा. तुम्ही चॅनलसाठी आयकॉनसुद्धा टाकू शकता. माहिती भरल्यावर 'Create' बटणावर टॅप करा आणि तुमचं चॅनल तयार होईल. याशिवाय, कंटेंट क्रिएटर्ससाठी एक खास 'लॉक' फीचरही येत आहे. यामुळे क्रिएटर्स त्यांचे काही खास व्हिडिओ फक्त पैसे देणाऱ्या सबस्क्रायबर्ससाठीच उपलब्ध करू शकतील.
