Xiaomi ने भारतात आपला नवीन Redmi 17C 5G स्मार्टफोन लाँच केला आहे.
मुंबई : Xiaomi ने Redmi सिरीजमध्ये आणखी एक नवीन स्मार्टफोन आणला आहे. कंपनीने Redmi 17C 5G भारतात लाँच केलाय. गेल्या वर्षी डिसेंबरमध्ये आलेल्या Redmi 15C चं हे पुढचं व्हर्जन आहे. मोठा डिस्प्ले, दमदार बॅटरी आणि 5G कनेक्टिव्हिटी ही या फोनची खासियत आहे. हा फोन MediaTek Dimensity 6300 चिपसेटवर चालतो. यात Xiaomi ची HyperOS 3 ऑपरेटिंग सिस्टीम दिली आहे. 7 ऑक्टोबरपासून हा फोन भारतात खरेदीसाठी उपलब्ध होईल.
120Hz रिफ्रेश रेट असलेला मोठा डिस्प्ले
Redmi 17C 5G मध्ये कंपनीने 6.9 इंचाचा HD+ LCD डिस्प्ले दिला आहे. हा डिस्प्ले 120Hz रिफ्रेश रेट आणि HBM मोडमध्ये 810 निट्स ब्राइटनेसला सपोर्ट करतो. स्क्रोलिंग, व्हिडिओ पाहणे आणि वेब ब्राउझिंग करताना युजर्सना चांगला अनुभव मिळावा, यासाठी हा डिस्प्ले डिझाइन केलाय. डोळ्यांच्या सुरक्षेसाठी यात लो ब्लू लाईट, फ्लिकर फ्री आणि सर्कॅडियन फ्रेंडली फीचर्ससह TUV Rheinland सर्टिफिकेशनही मिळतं.
MediaTek Dimensity 6300 चिपसेट
हा फोन MediaTek Dimensity 6300 मोबाईल प्लॅटफॉर्मवर काम करतो. मेमरी एक्स्टेंशन फीचर वापरून तुम्ही याची रॅम 12GB पर्यंत वाढवू शकता. पण, मार्केटमध्ये जास्तीत जास्त 6GB फिजिकल रॅम असलेले व्हेरियंट्सच उपलब्ध आहेत.
Related Articles
50 मेगापिक्सेल कॅमेरा
फोटोग्राफीसाठी कंपनीने या फोनमध्ये 50 मेगापिक्सेलचा AI रिअर कॅमेरा दिला आहे. यात अल्ट्रा HD, पोर्ट्रेट आणि नाईट मोडसारखे कॅमेरा फीचर्स मिळतात. सेल्फी आणि व्हिडिओ कॉलिंगसाठी फोनच्या पुढच्या बाजूला 8 मेगापिक्सेलचा कॅमेरा बसवला आहे.
6,000mAh ची दमदार बॅटरी
6,000mAh क्षमतेची बॅटरी हे Redmi 17C 5G चं आणखी एक मोठं वैशिष्ट्य आहे. ही बॅटरी 33W फास्ट चार्जिंगला सपोर्ट करते. 1,000 वेळा पूर्ण चार्जिंग सायकल झाल्यानंतरही बॅटरीची 80% क्षमता टिकून राहते, असा दावा कंपनीने केला आहे.
पाणी आणि धूळ प्रतिरोधक
कंपनीने या फोनला IP64 रेटिंग दिलं आहे. याचा अर्थ हा फोन धूळ आणि पाण्याच्या थेंबांपासून सुरक्षित राहील. बोटांवर ओलावा, तेल किंवा साबण असला तरी टच स्क्रीन काम करेल, यासाठी फोनमध्ये वेट टच टेक्नॉलॉजी 2.0 (Wet Touch Technology 2.0) चा वापर केला आहे.
Android 16 वर आधारित HyperOS 3
Redmi 17C 5G हा फोन Android 16 वर आधारित Xiaomi HyperOS 3 वर चालतो. यात Google Gemini आणि Circle to Search सारखे फीचर्सही मिळतील. पण, प्रदेश आणि डिव्हाइसनुसार यांची उपलब्धता बदलू शकते. साईड माऊंटेड फिंगरप्रिंट सेन्सर आणि 200% व्हॉल्यूम बूस्ट ही याची इतर काही खास फीचर्स आहेत.
किंमत आणि सेलची माहिती
4GB रॅम आणि 128GB स्टोरेज मॉडेलची किंमत 20,999 रुपये आहे. तर 6GB रॅम आणि 128GB स्टोरेज व्हेरियंट खरेदी करण्यासाठी तुम्हाला 22,999 रुपये मोजावे लागतील. हा फोन डार्क नाईट (Dark Knight), कॉफी ब्रू (Coffee Brew) आणि पर्पल डॉन (Purple Dawn) अशा 3 रंगांमध्ये उपलब्ध आहे. 7 ऑक्टोबरपासून Mi.com, Amazon India आणि Xiaomi रिटेल स्टोअर्सवर Redmi 17C 5G चा सेल सुरू होईल.
