विकेंडला विविध स्वादिष्ट पदार्थ बनवले जातात. खास मटण बिर्याणी कशी बनवायची ते पाहूया.
Weekend Special Food Recipe : विकेंडला खास व्हेज आणि नॉनव्हेज पदार्थ बनवले जातात. त्यात बाहेर पाऊस येत असेल तर गरमागरम बिर्याणी मजा काही औरच. तर चला तर मग मटण बिर्याणीची सोपी रेसिपी पाहूया.
साहित्य
- ५०० ग्रॅम मटण
- २ कप बासमती तांदूळ
- अर्धा वाटी दही
- २ मोठे कांदे
- बारीक चिरलेले टोमॅटो
- आलं-लसूण पेस्ट
- ३-४ हिरव्या मिरच्या
- पुदिना
- कोथिंबीर
- बिर्याणीचे मसाले
- २ तमालपत्र
- २ मोठी वेलची
- ४ हिरव्या मिरच्या
- ५-६ लवंग
- दालचिनी
- १ चमचा जिरे
- अर्धा चमचा हळद
- लाल मिरची पावडर
- गरम मसाला
- चवीनुसार मीठ
- तूप किंवा तेल
मटण बिर्याणी रेसिपी
Related Articles
- एका भांड्यात मटण घ्या आणि त्यात दही, आलं-लसूण पेस्ट, हळद, लाल मिरची पावडर, धणे पावडर, गरम मसाला आणि मीठ घालून व्यवस्थित मिक्स करा. हे मॅरीनेशन १-२ तास ठेवा.
- दुसऱ्या भांड्यात पाणी उकळवा. त्यात तमालपत्र, हिरवी मिरची, लवंग, जिरे आणि थोडे मीठ घाला. पाणी उकळलं की त्यात भिजवलेले तांदूळ घाला. तांदूळ अर्धवट शिजवा.
- मोठ्या पॅनमध्ये तूप किंवा तेल गरम करा. त्यात कांदा सोनेरी रंगाचा होईपर्यंत परता. त्यात टोमॅटो, हिरवी मिरची आणि कोथिंबीर घाला. सर्व मसाले व्यवस्थित शिजवा. यात मॅरीनेट केलेले मटण घालून मंद आचेवर सर्व साहित्य परता.
- मटण व्यवस्थित शिजलं की त्यात अर्धवट शिजवलेल्या तांदळाचा एक थर लावा. त्यावर तूप, तळलेला कांदा, पुदिना आणि केशरयुक्त दूध घालून झाकण व्यवस्थित बंद करा.
- २०-२५ मिनिटांनी गरमागरम मटण बिर्याणी रायता किंवा सॅलडसोबत सर्व्ह करा. याचा सुगंध आणि चव नक्कीच आवडेल.
