- Home
- Utility News
- Jio Rs 15 Recharge Plan : फक्त १५ रुपयांत एअरटेल आणि व्हीआयची हवा गुल! जिओचा नवा प्लॅन लाँच
Jio Rs 15 Recharge Plan : फक्त १५ रुपयांत एअरटेल आणि व्हीआयची हवा गुल! जिओचा नवा प्लॅन लाँच
Jio Unlimited 5G Data Offer: जिओने फक्त १५ रुपयांचा नवा डेटा वाउचर लाँच केला आहे. या एका दिवसाच्या प्लॅनमध्ये खरोखरच अनलिमिटेड 5G डेटा मिळणार का? हे वाउचर कोण आणि कसे वापरू शकते, हे जाणून घेऊया.
जिओ अनलिमिटेड 5G
भारतातील आघाडीची टेलिकॉम कंपनी रिलायन्स जिओने ग्राहकांना 5G चा अनुभव देण्यासाठी फक्त १५ रुपयांचे नवे डेटा वाउचर आणले आहे. जे ग्राहक सध्या 4G वापरत आहेत, त्यांना 5G नेटवर्ककडे आकर्षित करण्यासाठी जिओने उचललेले हे पाऊल टेलिकॉम मार्केटमध्ये चर्चेचा विषय ठरले आहे.
विशेषत: जे ग्राहक कमी किंमतीचे प्लॅन वापरतात, त्यांच्यासाठी हे १५ रुपयांचे वाउचर खूपच फायदेशीर ठरू शकते. जास्त पैसे खर्च न करता हाय-स्पीड 5G इंटरनेटचा एकदा अनुभव घ्यायचा असेल, तर ही एक उत्तम संधी आहे.
१५ रुपयांत 5G डेटा.. काय आहे खास?
साधारणपणे जिओचे 5G वापरण्यासाठी विशिष्ट रिचार्ज प्लॅनची गरज असते. विशेषतः जे लोक दररोज 2GB किंवा त्याहून अधिक डेटा देणारे प्लॅन वापरतात, त्यांना जिओकडून अनलिमिटेड 5G सर्विस मिळते.
पण, कमी डेटा वाले 4G प्लॅन वापरणाऱ्यांनाही 5G चा अनुभव मिळावा, या उद्देशाने हे १५ रुपयांचे डेटा वाउचर लाँच करण्यात आले आहे.
या वाउचरचे सर्वात मोठे वैशिष्ट्य म्हणजे, ज्या ग्राहकांकडे 5G नेटवर्क आणि 5G सपोर्ट करणारा फोन आहे, ते यातून अनलिमिटेड 5G डेटा वापरू शकतात.
याची व्हॅलिडिटी फक्त एक दिवसाची आहे. म्हणजेच, कमी खर्चात पूर्ण दिवस 5G इंटरनेटचा अनुभव मिळवण्याची संधी या प्लॅनमधून मिळते.
एअरटेल आणि व्होडाफोन-आयडियाला टक्कर!
जिओच्या या पावलामुळे इतर टेलिकॉम कंपन्यांसमोरचे आव्हान वाढू शकते. टेलिकॉमटॉकच्या वृत्तानुसार, भारती एअरटेल आणि व्होडाफोन-आयडियाकडे सध्या ग्राहकांना असा १५ रुपयांमध्ये 5G चा अनुभव देणारा कोणताही प्लॅन नाही.
यामुळे जिओचे जे ग्राहक सध्या 4G वापरत आहेत, त्यांना 5G कडे वळवणे जिओसाठी सोपे होईल, अशी अपेक्षा आहे.
जिओचे नेमके गणित काय?
जिओच्या या १५ रुपयांच्या प्लॅनमागे एक मोठी बिझनेस स्ट्रॅटेजी असल्याचे बोलले जात आहे.
जिओचा उद्देश फक्त प्रत्येक ग्राहकाकडून जास्त कमाई करणे हा नाही; तर जास्तीत जास्त ग्राहकांना आपल्या सेवेशी जोडणे हा आहे.
भारतात ५४ कोटींहून अधिक ग्राहक असलेल्या जिओचा फोकस प्रत्येक तिमाहीत जास्तीत जास्त ग्राहक जोडण्यावर असतो.
याशिवाय, 5G तंत्रज्ञानामध्ये एका युनिट डेटाचा खर्च 4G पेक्षा कमी असू शकतो. त्यामुळे टेलिकॉम कंपन्यांना कमी दरात जास्त डेटा देण्याची संधी मिळते.
अशा स्थितीत, १५ रुपयांच्या वाउचरद्वारे 4G ग्राहकांना 5G ची सवय लावणे, हा जिओसाठी दीर्घकालीन फायद्याचा सौदा ठरू शकतो.
हा १५ रुपयांचा प्लॅन कोण वापरू शकतं?
जे ग्राहक जिओचा 4G प्लॅन वापरत आहेत, ज्यांच्याकडे 5G स्मार्टफोन आहे आणि ज्यांच्या परिसरात जिओचे 5G नेटवर्क उपलब्ध आहे, ते सर्वजण या ऑफरचा फायदा घेऊ शकतात.
तरीही, रिचार्ज करण्यापूर्वी तुमचा सध्याचा प्लॅन, 5G पात्रता आणि वाउचरच्या अटी मायजिओ (MyJio) ॲपमध्ये तपासून पाहणे चांगले राहील.
फक्त १५ रुपयांत 5G चा अनुभव देणारा जिओचा हा नवा डाव, भारतीय टेलिकॉम मार्केटमध्ये स्पर्धेची पुढची पातळी गाठणार का, हे पाहणे औत्सुक्याचे ठरेल.
