DMart Savings : डीमार्टमध्ये बचत करण्याच्या खास टिप्स, 5 हजारांत 10 हजारांची खरेदी!
मुंबई - डीमार्टमध्ये जास्त बचत करण्यासाठी आठवड्याच्या दिवशी सकाळी जा आणि डीमार्टच्या स्वतःच्या ब्रँडचे सामान घ्या. डीमार्टमध्ये खरेदी करताना इतर काय काळजी घ्यावी ते पाहूया. यातून तुम्ही चक्क दुप्पट खरेदी करु शकता.
डीमार्ट खरेदी टिप्स
तुम्ही डीमार्टमध्ये खरेदी करता का? मग ही बातमी तुमच्यासाठीच आहे. डीमार्टमध्ये जास्त बचत करण्यासाठी, विकेंड सोडून इतर दिवशी सकाळी जा. त्यावेळी गर्दी कमी असेल आणि ऑफर असलेले सामान सहज मिळेल. डीमार्टच्या स्वतःच्या ब्रँडचे (DMart Minimax, Fresh) सामान घेऊन पहा.
डीमार्ट सवलती
काही उत्पादने कमी किमतीत आणि चांगल्या दर्जाची मिळतात. साबण, डिटर्जंट अशा वस्तू मोठ्या प्रमाणात घेतल्यास जास्त बचत होते. काही वस्तूंच्या एक्सपायरी डेट जवळ आल्यावर ३०%-५०% पर्यंत सूट मिळते. तसेच काही वस्तू एकावर एक फ्री असतात. अशा वेळी दोन्ही वस्तू घेण्याची गरज नाही. केवळ एक वस्तू घेतली तरी ५० टक्केच रक्कम द्यावी लागते.
डीमार्ट फेस्टिव्हल सेल
सणांच्या काळात (दिवाळी, संक्रांत) आणि हवामान बदलाच्या वेळी (उन्हाळा, पावसाळा, हिवाळा) संबंधित वस्तूंवर मोठी सूट मिळते. डीमार्टमधील किमती आठवड्यातून, कधी कधी रोज बदलतात. तुम्ही आवश्यक वस्तूंच्या किंमती लक्षात ठेवा आणि कमी किमतीत वारंवार खरेदी करा. फेस्टिव्हलच्या सुरवातीलाच खरेदी केली तर मालही चांगला मिळतो आणि किंमतही कमी असते.
डीमार्ट ब्रँडची खरेदी करुन बचत
काही वस्तू ऑनलाइन जास्त किमतीत आणि दुकानात कमी किमतीत असतात. त्यामुळे तुम्ही तुलना करून खरेदी केल्यास बचत वाढेल. डीमार्टमध्येच मिळणाऱ्या खास वस्तू कमी किमतीत असतात. बिलावर "D" हा कोड असल्यास ती डीमार्टची खास सवलतीची वस्तू असते. या वस्तू डिमार्टच्या बॅकेट्समध्ये असतात. त्यांची गुणवत्ताही सरासरी असते.
डीमार्ट हंगामी सवलती
ही ओळखून खरेदी केल्यास चांगली बचत होते. एकंदरीत, आठवड्याच्या दिवशी, स्वतःच्या ब्रँडचे सामान, मोठ्या प्रमाणात खरेदी करून, सवलतीचे कोड लक्षात ठेवल्यास, डीमार्टमधील खरेदीचा अनुभव फायदेशीर ठरेल. अशा प्रकारे तुम्ही कमी पैशांमध्ये जास्त खरेदी करु शकता.
डीमार्टमध्ये बचतच बचत
खरेदी करताना आधी तुमचे एकंदर बजेट निश्चित करा. त्यातच खरेदी करा. बजेटच्या बाहेर खरेदी करु नका. इतर वस्तू घेण्याच्या भानगडीत पडू नका. ज्या आवश्यक आहेत त्याच वस्तू विकत घ्या. तुम्ही कमी बजेटमध्ये जास्त खरेदी करु शकता.
