JioEyeQ Dashcam: गाडीसाठी नवा कॅमेरा, किंमतही आवाक्यातील...जबरदस्त फीचर्स!
JioEyeQ Dashcam: रिलायन्स जिओने भारतात आपला नवीन 'JioEyeQ Dashcam' लाँच केला आहे. कमी किमतीत फुल एचडी कॅमेरा, जीपीएस, एआय डिटेक्शन आणि नाइट व्हिजनसारखे जबरदस्त फीचर्स यात मिळतात. जाणून घेऊयात याबद्दल अधिक…
14
Image Credit : Google
जिओ डॅशकॅम
भारतातील आघाडीची टेलिकॉम कंपनी रिलायन्स जिओने आपला नवीन 'JioEyeQ Dashcam' सादर केला आहे. देशात डॅशकॅमचा वापर वाढत असताना, जिओने कमी किमतीत अनेक सुविधांसह हे डिव्हाइस आणले आहे. रस्त्यावरील घटना रेकॉर्ड करण्यासाठी आणि अपघाताच्या वेळी पुरावा म्हणून याचा खूप उपयोग होतो.
24
Image Credit : Google
काय आहेत फीचर्स?
JioEyeQ डॅशकॅममध्ये 2MP चा फुल HD कॅमेरा दिला आहे. याचा 140-डिग्री अल्ट्रा-वाइड FOV लेन्स विस्तृत व्हिज्युअल रेकॉर्ड करतो. यात GPS सपोर्ट असल्याने गाडीचे लोकेशन आणि प्रवासाचा तपशीलही रेकॉर्ड होतो. इतकंच नाही, तर AI आधारित पादचारी ओळखण्याची (pedestrian detection) सोय आणि रात्री स्पष्ट रेकॉर्डिंगसाठी नाइट व्हिजन सपोर्टही आहे.
34
Image Credit : Google
किती आहे स्टोअरेज कपॅसिटी
यामध्ये 32GB microSD कार्ड स्टोरेजची सोय आहे. आपत्कालीन परिस्थितीत ऑटोमॅटिक रेकॉर्डिंग आणि टक्कर झाल्यास अलर्ट देणारे कोलिजन डिटेक्शन (collision detection) यांसारखे महत्त्वाचे फीचर्सही यात आहेत. बिल्ट-इन वाय-फाय आणि मायक्रोफोनमुळे तुम्ही रेकॉर्डिंग सहजपणे मोबाईलवर पाहू शकता. या डिव्हाइसची किंमत फक्त ₹3,499 ठेवण्यात आली आहे.
44
Image Credit : Google
EMI वर देखील खरेदी करण्याची सोय
हा डॅशकॅम तुम्ही पूर्ण पैसे देऊन किंवा तीन महिन्यांच्या नो-कॉस्ट EMI वर खरेदी करू शकता. EMI निवडल्यास तुम्हाला दरमहा ₹1,166 भरावे लागतील. हा डॅशकॅम JioThings ॲपसोबत काम करतो, जे अँड्रॉइड आणि iOS दोन्हीवर उपलब्ध आहे. या किमतीत JioEyeQ बाजारात CrossBeats, Qubo, NEXDIGITRON आणि Boat सारख्या ब्रँड्सना टक्कर देण्यास सज्ज आहे.
