Honda Shine 100: मध्यमवर्गाच्या बजेटमधील बाईक, कमी मेंटेनन्स, 65kmpl मायलेजसह

Honda Shine 100: ज्यांना कमी किंमत, जास्त मायलेज आणि कमी मेन्टेनन्स खर्चाची बाईक हवी आहे, त्यांच्यासाठी Honda Shine 100 एक उत्तम पर्याय आहे. रोजच्या प्रवासासाठी ही एक आदर्श कम्युटर बाईक ठरते.

Image Credit : Google

होंडा शाईन 100

तुम्ही नवीन बाईक घेण्याचा विचार करत आहात का? कमी किंमत, जास्त मायलेज आणि कमी मेन्टेनन्स खर्च... हे सर्व एकाच मॉडेलमध्ये हवं असेल, तर होंडा शाईन 100 तुमच्यासाठी एक उत्तम पर्याय ठरू शकते. रोजच्या ऑफिस प्रवासासाठी आणि कौटुंबिक वापरासाठी ही कम्युटर बाईक खूप लोकप्रिय झाली आहे. विशेषतः मध्यमवर्गीय कुटुंबांमध्ये या बाईकला चांगली पसंती मिळत आहे.

Image Credit : honda

कमी बजेटमध्ये विश्वासार्ह बाईक

या मॉडेलची दिल्लीतील एक्स-शोरूम किंमत ₹64,004 पासून सुरू होते. ऑन-रोड किंमत जवळपास ₹77,000 पर्यंत जाते. या किमतीमुळे ही बाईक थेट हीरो स्प्लेंडर प्लसला (Hero Splendor Plus) टक्कर देते. कमी बजेटमध्ये एक विश्वासार्ह बाईक खरेदी करू इच्छिणाऱ्यांसाठी हा एक योग्य पर्याय मानला जातो.

Image Credit : hero, honda

फीचर्स

होंडा शाईन 100 मध्ये 98.98cc क्षमतेचं एअर-कूल्ड इंजिन आहे. PGM-FI आणि eSP तंत्रज्ञानाने युक्त हे इंजिन 7.38 PS पॉवर आणि 8.05 Nm टॉर्क निर्माण करतं. 4-स्पीड गिअरबॉक्समुळे शहरातील ट्रॅफिकमध्येही बाईक चालवणं सोपं होतं. बाईकचं वजन फक्त 99 किलो असल्यामुळे अरुंद रस्त्यांवरही ती सहज हाताळता येते. तिचा टॉप स्पीड ताशी 85 किमी आहे.

Image Credit : Google

कमी खर्चात जास्त काळ चालणारी बाईक

या बाईकचं मुख्य वैशिष्ट्य म्हणजे तिचं मायलेज. कंपनीच्या दाव्यानुसार, ही बाईक एका लिटरमध्ये 65 किलोमीटरपर्यंत धावते. अनेक युझर्सना तर 65-68 किमीपर्यंत मायलेज मिळत असल्याचं सांगतात. यात 9-लिटरची पेट्रोल टाकी दिली आहे. बाईकचा मेन्टेनन्स खर्चही खूप कमी आहे. सर्व्हिसिंगसाठी साधारणपणे ₹800 ते ₹1,200 पर्यंत खर्च येतो. कंपनी यावर 3 वर्षे किंवा 42,000 किलोमीटरची वॉरंटी देते. त्यामुळे कमी खर्चात जास्त काळ चालणारी बाईक म्हणून होंडा शाईन 100 एक चांगला पर्याय आहे.