बँक अलर्ट! एप्रिल महिन्यात 'या' १०+ दिवशी बँका राहणार बंद; पाहा सुट्ट्यांची संपूर्ण यादी

April Month Bank Holiday List: एप्रिल महिन्यात सण-उत्सव आणि सार्वजनिक सुट्ट्यांमुळे बँका १० पेक्षा जास्त दिवस बंद राहणार आहेत. या सुट्ट्यांमध्ये गुड फ्रायडे, डॉ. आंबेडकर जयंती यांचा समावेश आहे, त्यामुळे ग्राहकांनी आपली कामे वेळेत पूर्ण करावीत.

Image Credit : Getty

बँक अलर्ट! एप्रिल महिन्यात 'या' १०+ दिवशी बँका राहणार बंद

मुंबई: नवीन आर्थिक वर्षाची सुरुवात म्हणजेच एप्रिल महिना आता अवघ्या दोन दिवसांवर आहे. एप्रिलमध्ये सण-उत्सव आणि सार्वजनिक सुट्ट्यांमुळे बँका अनेक दिवस बंद राहणार आहेत. जर तुमची बँकेशी संबंधित महत्त्वाची कामे प्रलंबित असतील, तर घराबाहेर पडण्यापूर्वी ही 'बँक हॉलिडे लिस्ट' नक्की तपासा, जेणेकरून तुमची धावपळ होणार नाही.

Image Credit : X

एप्रिल २०२६ मधील बँक सुट्ट्यांचे वेळापत्रक

एप्रिल महिन्याची सुरुवातच सुट्टीने होत असून, संपूर्ण महिन्यात विविध राज्यांमध्ये खालीलप्रमाणे बँका बंद राहतील.

१ एप्रिल (बुधवार): बँकांचे वार्षिक खाते क्लोजिंग (नव्या आर्थिक वर्षाची सुरुवात).

२ एप्रिल (गुरुवार): माउंडी थर्सडे (प्रामुख्याने केरळ आणि दक्षिण भारतात सुट्टी).

३ एप्रिल (शुक्रवार): गुड फ्रायडे (देशभरातील बँका बंद).

५ एप्रिल (रविवार): साप्ताहिक सुट्टी.

११ एप्रिल (शनिवार): महिन्याचा दुसरा शनिवार.

१२ एप्रिल (रविवार): साप्ताहिक सुट्टी.

१४ एप्रिल (मंगळवार): डॉ. बाबासाहेब आंबेडकर जयंती, बैसाखी आणि तमिळ नववर्ष (देशभरात सुट्टी).

१५ एप्रिल (बुधवार): हिमाचल दिन आणि बंगाली नववर्ष (विशिष्ट राज्यांत सुट्टी).

१९ एप्रिल (रविवार): साप्ताहिक सुट्टी.

२० एप्रिल (सोमवार): अक्षय तृतीया आणि बसव जयंती (अनेक राज्यांमध्ये बँकांना सुट्टी).

२५ एप्रिल (शनिवार): महिन्याचा चौथा शनिवार.

२६ एप्रिल (रविवार): साप्ताहिक सुट्टी. 

Image Credit : FREEPIK

महत्त्वाच्या टिप्स

लाँग विकेंडची संधी: ३ एप्रिलला गुड फ्रायडेची सुट्टी असल्याने सलग तीन दिवस (शुक्रवार, शनिवार, रविवार) बँका बंद राहू शकतात. त्यामुळे तुमचे व्यवहार आधीच पूर्ण करा. 

Image Credit : Social media

बँका बंद असल्या तरी 'या' सेवा सुरू राहतील

बँकेच्या शाखा प्रत्यक्ष बंद असल्या, तरी ग्राहकांसाठी खालील डिजिटल सेवा २४x७ सुरू राहतील.

नेट बँकिंग आणि मोबाईल बँकिंग: ऑनलाइन पैसे ट्रान्सफर करण्यासाठी कोणतीही अडचण येणार नाही.

ATM सेवा: रोख रक्कम काढण्यासाठी एटीएम नेहमीप्रमाणे सुरू असतील.

UPI सेवा: गुगल पे, फोन पे किंवा इतर UPI ॲप्सद्वारे व्यवहार सुरळीत सुरू राहतील.