DIY Clay Pot: जुन्या माठ्यांना टाकू नका, बनवा या 6 भन्नाट वस्तू!
उन्हाळ्यात वापरून झालेले जुने माठ फेकून देण्याऐवजी तुम्ही त्याचा वापर घर सजवण्यासाठी करू शकता. आम्ही तुम्हाला काही सोप्या DIY आयडिया सांगत आहोत, ज्या वापरून तुम्ही घराला एक पारंपरिक आणि सुंदर लुक देऊ शकता.
मातीचा कंदील
जुन्या माठाला आकर्षक काप देऊन त्यात मेणबत्ती किंवा फेरी लाइट्स लावा. यामुळे तुमच्या बाल्कनी किंवा गार्डनला एक रॉयल आणि सुंदर लुक मिळेल. माठ कापण्यापूर्वी तो पाण्यात भिजवायला विसरू नका, यामुळे तो सहज कापला जातो. तुम्ही माठाला तुमच्या आवडीच्या रंगाने रंगवूही शकता.
घरात पडून असलेले लहान-मोठे माठ अनेकदा अडगळ वाटतात. पण थोडी कल्पकता वापरली, तर तुम्ही त्यांचं रूपांतर आकर्षक सजावटीच्या वस्तूंमध्ये करू शकता. या वस्तू केवळ तुमच्या घराचं सौंदर्य वाढवत नाहीत, तर त्या बजेट फ्रेंडलीसुद्धा असतात. चला, पाहूया 6 सोप्या DIY क्राफ्ट आयडिया.
माठापासून बनवा गणपती
मोठ्या आणि लहान माठांचा वापर करून गणपतीची मूर्ती बनवा. इथे दोन माठ एकमेकांना जोडून आणि क्ले वापरून हे सुंदर गणपती बाप्पा साकारले आहेत. आधी माठांना सुंदर आकारात कापलं आहे. त्यानंतर रंग, पेंट आणि सजावटीच्या वस्तूंनी डोळे, सोंड आणि मुकुट यांसारखे तपशील तयार केले आहेत. शेवटी फुलं, दिवे किंवा लाइट्सने सजवून एक सुंदर गणपती डेकोर तयार केला आहे.
पेंटेड प्लांटर
माठाला आकर्षक रंग, हँड पेंटिंग किंवा टेक्स्चर डिझाइन देऊन तुम्ही एक सुंदर प्लांटर बनवू शकता. हे लिव्हिंग रूम किंवा खिडकीजवळ ठेवण्यासाठी उत्तम पर्याय आहे. माठाला रंग देणं हे एक रिलॅक्सिंग कामसुद्धा आहे.
कँडल होल्डर
लहान माठ सजवून त्यात मेणबत्त्या ठेवा. टेबल डेकोरेशनसाठी हा एक अतिशय सुंदर आणि क्लासी पर्याय आहे.
मोठ्या माठावर मिरर वर्क करून वाश बनवा
लिव्हिंग रूममध्ये ठेवण्यासाठी तुम्ही मोठ्या माठाला रंग देऊन आणि त्यावर मिरर वर्क करून त्याला फ्लॉवरपॉट किंवा 'वाश' (vase) चं रूप देऊ शकता. महागड्या प्लांटरऐवजी हा तुमच्या घराला एक पारंपरिक लुक देईल.
लहान माठांपासून बनवा हँगिंग गार्डन
तुमच्याकडे जर खूप सारे लहान माठ पडून असतील, तर त्यांना रंगवून आणि सुतळीच्या साहाय्याने अशा प्रकारे बांधून बाल्कनीत लटकवा. यात तुम्ही मेणबत्ती किंवा छोटी रोपं लावून बाल्कनी सजवू शकता.
