उपराष्ट्रपतीपदाचे उमेदवार सी. पी. साधाकृष्णन यांच्याबद्दल माहित नसलेली 10 तथ्ये

मुंबई : भाजपाच्या नेतृत्वाखालील एनडीएने (राष्ट्रीय लोकशाही आघाडी) उपराष्ट्रपती निवडणुकीसाठी महाराष्ट्राचे राज्यपाल सीपी राधाकृष्णन यांना उमेदवार म्हणून घोषित केले आहे. भाजपा अध्यक्ष जेपी नड्डा यांनी पत्रकार परिषद घेऊन ही घोषणा केली.

Image Credit : Asianet News

सीपी राधाकृष्णन यांच्याविषयी १० खास गोष्टी

• सीपी राधाकृष्णन यांचा जन्म तमिळनाडूमध्ये झाला. ते गेल्या वर्षी जुलैपासून महाराष्ट्राचे राज्यपाल म्हणून कार्यरत आहेत.
• ६८ वर्षीय राधाकृष्णन फेब्रुवारी २०२३ ते जुलै २०२४ पर्यंत झारखंडचे राज्यपाल होते. त्यांनी मार्च आणि जुलै २०२४ दरम्यान तेलंगणाचे राज्यपाल आणि पुडुचेरीचे उपराज्यपाल पदाचा अतिरिक्त कार्यभारही सांभाळला.

Image Credit : x

तमिळनाडू भाजपाचे अध्यक्ष राहिले

• २०२३ मध्ये झारखंडचे राज्यपाल झाल्यानंतर चार महिन्यांत त्यांनी राज्यातील सर्व २४ जिल्ह्यांचा दौरा केला होता. या दरम्यान त्यांनी स्थानिक लोकांशी आणि जिल्हाधिकार्‍यांशी संवाद साधला होता.
• राधाकृष्णन हे भाजपाचे ज्येष्ठ नेते आहेत. ते कोयम्बतूरमधून दोन वेळा लोकसभेवर निवडून गेले. तमिळनाडू भाजपाचे अध्यक्ष म्हणूनही त्यांनी काम केले.

Image Credit : X-@CPRGuv

४० वर्षांचा राजकीय अनुभव

• तमिळनाडू भाजपाचे अध्यक्ष म्हणून राधाकृष्णन यांनी २००४ ते २००७ दरम्यान १९,००० किमीची 'रथयात्रा' काढली. ९३ दिवस चाललेली ही यात्रा नद्या जोडण्याच्या, दहशतवादाच्या समस्येवर, समान नागरी कायदा लागू करण्याच्या, अस्पृश्यता नष्ट करण्याच्या आणि अंमली पदार्थांच्या समस्येवर उपाययोजना करण्याच्या मागण्यांसाठी काढण्यात आली होती. त्यांनी आणखी दोन पदयात्राही केल्या होत्या.
• राधाकृष्णन यांच्याकडे ४० वर्षांपेक्षा जास्त काळचा राजकीय अनुभव आहे. ते तमिळनाडूच्या राजकारणात आणि सार्वजनिक जीवनात एक मोठे नाव आहे.

Image Credit : Asianet News

चिदंबरम कॉलेजमधून बीबीएची पदवी

• राधाकृष्णन यांचा जन्म १९५७ मध्ये तमिळनाडूतील तिरुप्पूर येथे झाला. त्यांनी कोयम्बतूरच्या चिदंबरम कॉलेजमधून बीबीएची पदवी घेतली आहे.
• क्रीडाप्रती राधाकृष्णन यांचे विशेष प्रेम आहे. ते कॉलेजमध्ये टेबल टेनिसचे विजेते आणि लांब पल्ल्याचे धावपटू होते. त्यांना क्रिकेट आणि व्हॉलीबॉलचीही आवड होती.

Image Credit : ANI

आरएसएसचे स्वयंसेवक

• राधाकृष्णन यांनी अमेरिका, ब्रिटन, फ्रान्स, जर्मनी, इटली, स्पेन, पोर्तुगाल, नॉर्वे, डेन्मार्क, स्वीडन, फिनलंड, बेल्जियम, नेदरलँड, तुर्की, चीन, मलेशिया, सिंगापूर, तैवान, थायलंड, इजिप्त, संयुक्त अरब अमिराती, बांगलादेश, इंडोनेशिया आणि जपानचा दौरा केला आहे.
• राधाकृष्णन यांनी आपले सार्वजनिक जीवन राष्ट्रीय स्वयंसेवक संघ (आरएसएस) च्या स्वयंसेवक म्हणून सुरू केले. १९७४ मध्ये ते तमिळनाडूमध्ये भारतीय जनसंघच्या राज्य कार्यकारिणीचे सदस्य झाले. १९९६ मध्ये त्यांना तमिळनाडूमध्ये भाजपाचे सचिव म्हणून नियुक्त करण्यात आले.