- Home
- Maharashtra
- Pune Dussehra Diwali 2025: दसरा-दिवाळीसाठी रेल्वेचं धमाकेदार गिफ्ट!, पुण्यातून 50 जादा गाड्या सुटणार, जाणून घ्या कधी, कुठं आणि कशा?
Pune Dussehra Diwali 2025: दसरा-दिवाळीसाठी रेल्वेचं धमाकेदार गिफ्ट!, पुण्यातून 50 जादा गाड्या सुटणार, जाणून घ्या कधी, कुठं आणि कशा?
Pune Dussehra Diwali 2025: दसरा-दिवाळीच्या काळात प्रवाशांची सोय व्हावी यासाठी रेल्वे प्रशासनाने पुणे येथून ५० उत्सव विशेष गाड्यांची घोषणा केली. या गाड्या २४ सप्टेंबर ते ३० नोव्हेंबरदरम्यान दानापूर, गोरखपूर, दिल्ली, नागपूर अशा प्रमुख शहरांसाठी धावणारय
दसरा-दिवाळीसाठी पुणेकरांना रेल्वेचं खास गिफ्ट
पुणे: सणासुदीच्या काळात प्रवास सुलभ व्हावा यासाठी भारतीय रेल्वेने पुणेकर प्रवाशांसाठी एक आनंदाची बातमी दिली आहे. दसरा आणि दिवाळीच्या पार्श्वभूमीवर रेल्वे प्रशासनाने पुणेहून देशभरातील प्रमुख शहरांकडे जाणाऱ्या एकूण 50 उत्सव विशेष गाड्यांची घोषणा केली आहे.
उत्सवासाठी खास गाड्यांची सुविधा
सणकाळात रेल्वे स्टेशनवर होणारी गर्दी, आरक्षणासाठीची धावपळ आणि प्रवासातील त्रास लक्षात घेता, यंदा 24 सप्टेंबर ते 30 नोव्हेंबर या कालावधीत या विशेष गाड्या धावणार आहेत.
रेल्वेचे विभागीय वाणिज्य अधिकारी हेमंतकुमार बेहरा यांच्या मते, येण्या-जाण्यासाठी 25 गाड्या येण्यासाठी व 25 गाड्या जाण्यासाठी, अशा एकूण 50 गाड्या सोडल्या जातील. या गाड्या 989 फेऱ्या करतील, ज्यामुळे सणासुदीच्या काळातील गर्दीचा मोठा ताण कमी होणार आहे.
कोणकोणत्या मार्गांवर धावतील विशेष गाड्या?
ही उत्सव विशेष गाड्यांची सेवा खालील प्रमुख शहरांसाठी उपलब्ध होणार आहे.
दानापूर, गोरखपूर, दिल्ली, नागपूर, कोल्हापूर
झांशी (वीरांगणा लक्ष्मीबाई), लातूर, संगानेर, कलबुर्गी, अजमेर
गाझीपूर, हिसार, बिकानेर, साईनगर शिर्डी
यामुळे उत्तर, मध्य आणि दक्षिण भारतामध्ये प्रवास करणाऱ्या प्रवाशांना मोठा दिलासा मिळणार आहे.
प्रवाशांचा दिलासा, रेल्वेचं स्वागतार्ह पाऊल
दरवर्षी दसरा-दिवाळीच्या काळात पुण्यातील रेल्वे स्थानकांवर प्रचंड गर्दी दिसते. तिकीट आरक्षण मिळवणे कठीण होते, प्रवासात गैरसोयी वाढत होत्या. अशा स्थितीत यंदाची विशेष गाड्यांची घोषणा प्रवाशांसाठी मोठा दिलासा ठरणार आहे. रेल्वे प्रशासनाने नागरिकांना आवाहन केले आहे की, या उत्सव विशेष गाड्यांचा लाभ जरूर घ्यावा व आपला प्रवास अधिक सोयीचा व सुकर बनवावा.
सुरक्षित, सोयीस्कर आणि वेळेवर सेवा
या गाड्यांमुळे प्रवास केवळ सोपा नव्हे, तर अधिक सुरक्षित, वेळेवर आणि आरामदायक होणार आहे. विशेषतः ज्यांना लांब पल्ल्याच्या गाड्यांमध्ये जागा मिळवणं कठीण जातं, त्यांच्यासाठी ही संधी सुवर्णसंधी ठरणार आहे.
