Ladki Bahin Yojana: लाडक्या बहिणींची लॉटरी! खात्यात एकदम जमा होणार ४५०० रुपये; सरकारचा मोठा निर्णय काय?

Ladki Bahin Yojana: माझी लाडकी बहीण योजनेअंतर्गत, तांत्रिक कारणांमुळे मागील हप्ते चुकलेल्या महिलांच्या खात्यात आता थेट ४५०० रुपये जमा होणार आहेत. यासोबतच, मंत्री हसन मुश्रीफ यांनी भविष्यात हप्त्याची रक्कम १५०० वरून २१०० करण्याचे संकेत दिले आहेत.

Image Credit : social media

लाडक्या बहिणींची लॉटरी! खात्यात एकदम जमा होणार ४५०० रुपये

मुंबई : राज्यातील कोट्यवधी महिलांसाठी अत्यंत आनंदाची आणि दिलासादायक बातमी समोर आली आहे. मुख्यमंत्री माझी लाडकी बहीण योजनेच्या हप्त्याची प्रतीक्षा करणाऱ्या महिलांना आता सरकारकडून मोठी भेट मिळणार आहे. ज्या महिलांना तांत्रिक कारणांमुळे गेल्या काही महिन्यांचे पैसे मिळाले नव्हते, त्यांच्या खात्यात आता थेट ४५०० रुपये जमा होणार आहेत.

Image Credit : social media

एकाच वेळी ४५०० रुपये कसे मिळणार?

अनेक महिलांचे नोव्हेंबर, डिसेंबर आणि जानेवारी महिन्याचे हप्ते काही कारणास्तव प्रलंबित होते. यामध्ये प्रामुख्याने ई-केवायसी (e-KYC) अपूर्ण असणे किंवा बँक खात्याशी आधार लिंक नसणे अशा समस्या होत्या. आता सरकारने या रखडलेल्या हप्त्यांचा मार्ग मोकळा केला असून, नोव्हेंबर, डिसेंबर आणि जानेवारी अशा तीन महिन्यांची एकत्रित रक्कम (१५०० x ३ = ४५००) पात्र महिलांच्या खात्यात जमा केली जाणार आहे. 

Image Credit : freepik/AI

हप्ता २१०० रुपये होणार? हसन मुश्रीफांचे मोठे विधान

केवळ थकीत हप्तेच नव्हे, तर आगामी काळात हप्त्याची रक्कम वाढण्याचे संकेतही मिळाले आहेत. राज्याचे मंत्री हसन मुश्रीफ यांनी एका कार्यक्रमात बोलताना स्पष्ट केले की, "अधिवेशन संपल्यानंतर हे खाते पुन्हा आमच्याकडे येईल आणि लाडक्या बहिणींना २१०० रुपये दिल्याशिवाय आम्ही राहणार नाही." यामुळे भविष्यात महिलांना दरमहा मिळणाऱ्या १५०० रुपयांमध्ये ६०० रुपयांची वाढ होऊन ती रक्कम २१०० रुपये होण्याची दाट शक्यता आहे.

Image Credit : iSTOCK

तुमचे पैसे अडकले असतील तर काय करावे?

ज्या महिलांनी ई-केवायसी करूनही पैसे मिळालेले नाहीत, त्यांच्यासाठी सरकारने विशेष मोहीम हाती घेतली आहे.

घरोघरी जाऊन चौकशी: महिला व बालकल्याण विभागाने अशा महिलांची घरी जाऊन पडताळणी करण्याचे आदेश दिले आहेत.

अर्जांची फेरपडताळणी: नियमात न बसणाऱ्या मात्र अर्ज केलेल्या महिलांच्या अर्जांची पुन्हा तपासणी केली जात आहे, जेणेकरून पात्र महिलांना लाभ मिळेल.

Image Credit : iSTOCK

योजनेचा महायुतीला मोठा फायदा

निवडणुकीपूर्वी सुरू झालेल्या या योजनेने राज्याच्या राजकारणात मोठी भूमिका बजावली आहे. तिजोरीवर ताण येत असल्याच्या चर्चांनंतरही सरकारने ही योजना यशस्वीपणे राबवून महिलांचे पाठबळ मिळवले. आता हप्त्याची रक्कम वाढवून आणि थकीत पैसे देऊन सरकार बहिणींवरील विश्वास अधिक घट्ट करण्याच्या तयारीत आहे.