या चित्रीकरणासाठी अभिनेते सनी देओल, वरुण धवन, दिलजीत दोसांझ आणि नवोदित अहान शेट्टी हे NDA मध्ये उपस्थित आहेत. त्यांच्यासोबत निर्माते भूषण कुमार आणि निधी दत्ता तसेच दिग्दर्शक अनुराग सिंग यांचीही हजेरी आहे.
पुणे : पुण्यातील नॅशनल डिफेन्स अकॅडमी (NDA)च्या परिसरात सध्या देशभक्तीची झलक अनुभवायला मिळतेय, कारण येथे 'बॉर्डर २' या बहुप्रतिक्षित चित्रपटाचं तिसरं शेड्यूल जोरात सुरू आहे. १९९७ मध्ये प्रदर्शित झालेल्या जे. पी. दत्ता यांच्या 'बॉर्डर' या युद्धपटाचा हा सिक्वेल आहे, जो भारतीय सिनेसृष्टीत एक मैलाचा दगड मानला जातो.
या चित्रीकरणासाठी अभिनेते सनी देओल, वरुण धवन, दिलजीत दोसांझ आणि नवोदित अहान शेट्टी हे NDA मध्ये उपस्थित आहेत. त्यांच्यासोबत निर्माते भूषण कुमार आणि निधी दत्ता तसेच दिग्दर्शक अनुराग सिंग यांचीही हजेरी आहे. अनुराग सिंग हे 'पंजाब १९८४' आणि 'जट्ट अँड जुलिएट' यांसारख्या पंजाबी चित्रपटांमुळे प्रसिद्ध आहेत.
Related Articles
सेटवर देशभक्ती आणि नॉस्टॅल्जियाचा संगम
सोशल मीडियावर अभिनेता दिलजीत दोसांझ आणि निर्माते T-Series यांनी शेअर केलेल्या व्हिडिओजमधून सेटवरील वातावरणाचा एक झलक मिळतो. एका व्हिडिओमध्ये सनी देओल यांचा “ढाई किलो का हाथ” हा प्रसिद्ध डायलॉग पुन्हा ऐकायला मिळाल्याने चाहते nostalgiंमध्ये हरवले.
चित्रपटाच्या तिसऱ्या शेड्यूलदरम्यान पुण्यात हलकासा पाऊस पडला, मात्र कलाकारांची ऊर्जा आणि उत्साह त्यावर मात करत होता. सनी देओल यांनी सोशल मीडियावर लिहिलं, "When all Forces come together! #Border2… बॉर्डर २ २३ जानेवारी २०२६ रोजी प्रेक्षकांच्या भेटीला येणार आहे!"
पुन्हा एकदा देशप्रेमाचा सन्मान
'बॉर्डर २'मध्ये देशभक्ती, युद्धातील थरार, भावनात्मक नातेसंबंध आणि बलिदानाचा सन्मान अशा अनेक स्तरांवर कथा आकार घेत आहे. मूळ 'बॉर्डर' चित्रपट १९७१च्या भारत-पाकिस्तान युद्धातील लोंगेवालाच्या लढाईवर आधारित होता. त्या चित्रपटातील “संदेसे आते हैं” हे गाणं आजही प्रत्येक भारतीयाच्या हृदयात जपलेलं आहे.
या चित्रपटात मूळ चित्रपटाप्रमाणेच देशभक्त सैनिकांच्या कथा नव्या कलाकारांसह सादर केल्या जाणार आहेत. यावेळी एनडीए, पुणे यासारख्या प्रामाणिक आणि प्रतिष्ठित ठिकाणी शूटिंग होत असल्यामुळे चित्रपटात अधिक वास्तवदर्शीपणा येणार आहे.
प्रेक्षकांची उत्सुकता शिगेला
२३ जानेवारी २०२६ रोजी, म्हणजेच प्रजासत्ताक दिनाच्या पूर्वसंध्येला, 'बॉर्डर २' प्रदर्शित होणार असून त्यासाठी आता सोशल मीडियावरून प्रचंड उत्सुकता निर्माण झाली आहे. देशातील लाखो चाहत्यांसाठी ही एक भावनिक आणि प्रेरणादायी भेट ठरणार आहे.
चित्रपटाच्या चित्रीकरणाचा पुढील टप्पा राजस्थानमध्ये पार पडणार असल्याचीही माहिती सूत्रांकडून मिळाली आहे. तोपर्यंत पुण्यातील एनडीएमध्ये, देशप्रेमाच्या भावनेने भारलेल्या या चित्रपटाचे काही अविस्मरणीय क्षण कैमऱ्यात कैद होत आहेत.
