Health Advice : दही आणि योगर्ट आरोग्यासाठी फायदेशीर आहेत. पण या दोन्हींमध्ये अधिक पोषक तत्वे कशामध्ये आहेत, हे आपण या लेखात पाहणार आहोत.
Dahi vs Yogurt : योगर्ट हा एक असा पदार्थ आहे, जो सध्या लोकांमध्ये खूप लोकप्रिय होत आहे. जे लोक डाएट करतात, ते याचा आहारात नक्कीच समावेश करतात. आपल्यापैकी अनेकांना वाटतं की योगर्ट आणि दही एकच आहेत. पण ते खरं नाही. तज्ज्ञांच्या मते, हे दोन्ही पदार्थ वेगवेगळे आहेत.
पण याबद्दल माहिती नसल्यामुळे आपण दही आणि योगर्टला एकच समजतो. या दोन्ही पदार्थांची बनवण्याची पद्धत, पोषक तत्वे आणि फायदे वेगवेगळे आहेत. या दोन्हींपैकी अधिक पौष्टिक काय आहे, ते येथे पाहूया.
दही आणि योगर्ट बनवण्याची पद्धत:
दही आणि योगर्ट हे दोन्ही वेगवेगळ्या पद्धतीने बनवले जातात. दूध उकळून त्यात व्हिनेगर किंवा लिंबाचा रस घालून दूध फाडून जे बनते ते दही.
Related Articles
तर, लॅक्टोबॅसिलस बल्गॅरिकस आणि स्ट्रेप्टोकोकस थर्मोफिलससारख्या बॅक्टेरियाचा वापर करून दूध आंबवून योगर्ट बनवले जाते.
दही आणि योगर्टमधील पोषक तत्वे:
- दह्यामध्ये कॅल्शियम, लोह, पोटॅशियम आणि व्हिटॅमिन बी६ असते.
- योगर्टमध्ये कॅल्शियम, फॉस्फरस आणि व्हिटॅमिन बी१२ असते.
इतकंच नाही, तर एका लहान वाटी दह्यात फक्त ३ ते ४ ग्रॅम प्रथिने असतात. तर ग्रीक योगर्टमध्ये ८ ते १० ग्रॅम प्रथिने असतात, असे पोषणतज्ज्ञ सांगतात.
दही आणि योगर्टच्या चवीतील फरक:
योगर्ट आंबा, स्ट्रॉबेरी, व्हॅनिला, ब्लूबेरी अशा वेगवेगळ्या फ्लेवर्समध्ये उपलब्ध आहे. पण दह्याला स्वतःची अशी कोणतीही वेगळी चव नसते.
दही आणि योगर्टचे फायदे:
योगर्ट - जे लोक व्यायाम करतात त्यांच्यासाठी योगर्ट उत्तम मानले जाते. विशेषतः ग्रीक योगर्ट सर्वोत्तम आहे. कारण व्यायामामुळे येणारा स्नायूंचा थकवा टाळण्यास हे मदत करते. यामुळेच व्यायाम करणाऱ्यांनी रोजच्या आहारात योगर्टचा समावेश करावा, असा सल्ला तज्ज्ञ देतात. हे रक्तदाब आणि कोलेस्ट्रॉल कमी करण्यासही मदत करते.
दही - दही पचनशक्ती सुधारण्यास, रोगप्रतिकारशक्ती मजबूत करण्यास आणि मेंदूचे कार्य सुधारण्यास मदत करते.
