Egg Boiling Hacks : अंडी उकडणं सोपं असलं तरी, त्याची सालं काढणं म्हणजे एक मोठं काम. अनेकदा अंडं फुटतं किंवा सालं नीट निघत नाहीत. चला, अंडं न फुटता आणि सालं सहज काढण्याच्या काही युनिक टिप्स जाणून घेऊया...
Unique Egg Boil Tips: अंडी उकडणं खूप सोपं काम वाटतं, पण उकडल्यानंतर त्याची सालं काढणं म्हणजे मोठी डोकेदुखी. सालं नीट निघत नाहीत आणि अर्ध्या अंड्याचा भाग सालासोबतच निघून जातो. पण आता चिंता नको! आम्ही तुम्हाला अंडी उकडण्याच्या अशा काही हटके पद्धती सांगणार आहोत, ज्यात सालं काढण्याची झंझटच नाही...
अंडी उकडण्याची युनिक पद्धत
अंडी उकडण्यासाठी तुम्ही इडली स्टीमर वापरू शकता. यासाठी स्टीमरमध्ये पाणी भरा. इडलीच्या प्लेटला थोडं तेल लावून त्यात १-२ अंडी फोडून टाका. आता हे १० मिनिटं वाफेवर शिजवून घ्या. तुमचं अंडं मस्त हार्ड बॉईल होईल आणि चमच्याने सहज निघेलही.
प्लेटमध्ये अंडी उकडण्याची पद्धत
तुम्ही प्लेटमध्येही अंडी उकडू शकता. एका कढईत पाणी गरम करून त्यावर वाफेसाठी एक प्लेट ठेवा. प्लेटला थोडं तेल लावून त्यात ८-१० अंडी फोडून टाका. झाकण ठेवून वाफेवर शिजवा. अंडी हार्ड बॉईल झाल्यावर सुरीने त्याचे तुकडे करून तुम्ही वापरू शकता.
Related Articles
अंडी उकडण्यासाठी लिंबाचा वापर
अंडी उकडण्याच्या पाण्यात थोडा लिंबाचा रस टाकला, तर सालं पटकन निघतात आणि अंड्याचा वासही कमी होतो.
आईस बाथ ट्रिक नक्की वापरा
अंड्याची सालं काढण्यासाठी आईस बाथ एक भारी उपाय आहे. अंडी नेहमीप्रमाणे उकडल्यानंतर लगेच बर्फाच्या थंड पाण्यात टाका. यामुळे सालं खूप लवकर आणि एकदम स्वच्छ निघतात.
अंडी उकडण्याची योग्य वेळ
जर तुम्हाला सॉफ्ट बॉईल अंडं हवं असेल, ज्यात आतला पिवळा बलक ग्रेव्हीसारखा असेल, तर अंडं फक्त ६ ते ७ मिनिटंच उकडा किंवा वाफवून घ्या. मीडियम हार्ड बॉईल अंड्यासाठी ८ ते ९ मिनिटं आणि पूर्ण हार्ड बॉईल अंड्यासाठी १० ते १२ मिनिटं शिजवा.
