रेस्टॉरंटसारखी घरच्याघरी तयार करा Chicken Biryani, वाचा स्टेप बाय स्टेप रेसिपी

Chicken Biryani Recipe : आठवड्यातील नॉन-व्हेजच्या वाराला बहुतांशजण मासे, चिकन यापासून तयार केलेल्या रेसिपी तयार करतात. अशातच घरच्याघरी रेस्टॉरंटसारखी चिकन बिर्याणी कशी तयार करायची याची रेसिपी स्टेप बाय स्टेप जाणून घेऊया. 

Image Credit : Pinterest

सामग्री

चिकन मॅरिनेशनसाठी : 

• 500 ग्रॅम चिकन (साफ केलेले, मध्यम तुकडे)
• 1 कप दही
• 1 टेबलस्पून आले-लसूण पेस्ट
• 1 टेबलस्पून लाल तिखट
• 1/2 टेबलस्पून हळद
• 1 टेबलस्पून गरम मसाला
• मीठ चवीनुसार
• 1 टेबलस्पून लिंबाचा रस
• थोडा कांदा पेस्ट (पर्यायी)

भातासाठी : 

• 2 कप बासमती तांदूळ
• 4 कप पाणी
• 2-3 लवंगा
• 2 वेलदोडे
• 1 दालचिनी तुकडा
• थोडं मीठ
• 1 टेबलस्पून तेल

बिर्याणीसाठी इतर साहित्य : 

• 2 मोठे कांदे – पातळ चिरून तळलेले (क्रिस्पी ब्राऊन)
• 1 टेबलस्पून आले-लसूण पेस्ट
• 2 टोमॅटो (बारीक चिरलेले)
• 1 टेबलस्पून बिर्याणी मसाला
• 1/2 टेबलस्पून धने पावडर
• 1/2 कप कोथिंबीर व पुदिना (बारीक चिरलेले)
• 3 टेबलस्पून तूप/तेल
• 1/2 कप दूध + १०-१२ केशर धागे
• थोडं पिवळं रंग पावडर (पर्यायी)

Image Credit : Unsplash

चिकन मॅरिनेट करा

• एका मोठ्या भांड्यात चिकनचे तुकडे घ्या.
• त्यात दही, आले-लसूण पेस्ट, तिखट, हळद, मीठ, गरम मसाला, लिंबाचा रस घालून चांगले मिक्स करा.
• झाकून किमान 30 मिनिटे (किंवा फ्रिजमध्ये २ तास) मॅरिनेट करून ठेवा.

Image Credit : Freepik

भात उकळून अर्धवट शिजवून घ्या

• बासमती तांदूळ 30 मिनिटे भिजवून ठेवा.
• पाण्यात मीठ, मसाले (लवंग, वेलदोडा, दालचिनी) आणि थोडं तेल घालून उकळा.
• त्यात तांदूळ घालून थोडा शिजवून घ्या (ओव्हरकूक होऊ देऊ नका).
• लगेच गाळून थंड होऊ द्या.

Image Credit : Getty

चिकन करी तयार करा

• कढईत तेल गरम करून त्यात आले-लसूण पेस्ट परतून घ्या.
• टोमॅटो, मसाले (धने पावडर, बिर्याणी मसाला) आणि मीठ घालून भाजी चांगली परतून घ्या.
• मॅरिनेट केलेले चिकन घालून झाकून मध्यम आचेवर 10-15 मिनिटं शिजवा.
• चिकन अर्धवट शिजल्यानंतर वरून कोथिंबीर, पुदिना व तळलेला कांदा घाला.

Image Credit : social media

बिर्याणीची लेयरिंग करा

• एका मोठ्या भांड्यात थोडं तूप घाला, त्यावर अर्धा भात पसरा.
• त्यावर अर्धं चिकन मिश्रण, थोडं तळलेला कांदा, कोथिंबीर, पुदिना.
• पुन्हा भाताची लेयर आणि उरलेलं चिकन घाला.
• वरून केशर दूध, तूप आणि पिवळ्या रंगाचे काही थेंब शिंपडा.

Image Credit : social media

शिजवून घ्या

• झाकण घट्ट लावा किंवा पीठ लावून बंद करा.
• 10 मिनिटं मध्यम आचेवर आणि मग १५ मिनिटं अगदी मंद आचेवर ‘दम’वर शिजवा.
• 10 मिनिटं ठेऊन मग झाकण उघडा आणि गरमागरम खाण्यासाठी कोशिंबीरसोबत सर्व्ह करा.