Uric Acid Diet : युरिक ॲसिडचा त्रास आहे? मग या 7 पदार्थांपासून लांबच राहा
आपल्या शरीरातील पेशी आणि काही विशिष्ट पदार्थांमध्ये 'प्युरीन्स' नावाचे घटक असतात. हे प्युरीन्स तुटल्यावर शरीरात जो टाकाऊ पदार्थ तयार होतो, त्यालाच युरिक ॲसिड म्हणतात.
युरिक ॲसिड
आपल्या शरीरातील पेशी आणि काही पदार्थांमध्ये 'प्युरीन्स' असतात. हे प्युरीन्स तुटल्यावर युरिक ॲसिड तयार होते. सामान्यतः, हे युरिक ॲसिड रक्तात मिसळते आणि किडनीद्वारे लघवीवाटे शरीराबाहेर टाकले जाते.
युरिक ॲसिडमुळे सांध्यांना सूज
शरीरात युरिक ॲसिड जास्त तयार झाले किंवा ते व्यवस्थित बाहेर पडले नाही, तर सांध्यांमध्ये त्याचे खडे जमा होतात. यामुळे सांध्यांना सूज येते आणि भयंकर वेदना होतात. ज्यांना युरिक ॲसिडचा त्रास आहे, त्यांनी खाण्यापिण्याची विशेष काळजी घेणे गरजेचे आहे.
रेड मीड खाऊ नये
युरिक ॲसिडचा त्रास असलेल्यांनी रेड मीट अजिबात खाऊ नये. रेड मीटमध्ये 'प्युरीन्स'चे प्रमाण खूप जास्त असते. हे प्युरीन्स शरीरात गेल्यावर युरिक ॲसिडमध्ये बदलतात आणि रक्तातील युरिक ॲसिडची पातळी वेगाने वाढवतात.
प्युरीन्स भरपूर असलेले सीफूड
मत्स्यप्रेमींनी काळजी घेणे आवश्यक आहे. सार्डिन, अँकोव्हीज, मॅकरेल, शिंपले आणि डबाबंद ट्यूना मासे खाणे टाळा. या सीफूडमध्ये प्युरीन्स भरपूर असतात. यामुळे हायपरयुरिसेमियाचा धोका वाढतो आणि सांधेदुखीचा त्रास बळावतो.
हाय फ्रक्टोज सिरप
गोड पेये प्यायल्याने रक्तातील युरिक ॲसिडची पातळी झपाट्याने वाढते. विशेषतः हाय फ्रक्टोज कॉर्न सिरप असलेल्या पेयांमुळे गाउटचा (gout) धोका वाढतो. त्यामुळे सोडा, एनर्जी ड्रिंक्स, कृत्रिम ज्यूस आणि साखर घातलेली पेये पूर्णपणे बंद करा.
मद्यपान
मद्यपानामुळे रक्तातील युरिक ॲसिडची पातळी वाढते. यामुळे गाउटचा (gout) झटका येण्याची आणि सांधेदुखी वाढण्याची शक्यता अमदसते. विशेषतः बिअरमध्ये प्युरीन्सचे प्रमाण जास्त असते, ज्याचे रूपांतर शरीर युरिक ॲसिडमध्ये करते.
फास्ट फूड
फास्ट फूडमध्ये शरीराला घातक असणारे फॅट्स, रिफाइंड कार्बोहायड्रेट्स, सोडियम आणि लपलेली साखर असते. त्यामुळे बर्गर, पिझ्झा, फ्रेंच फ्राईज, फ्राईड चिकन आणि इन्स्टंट नूडल्स खाणे टाळा.
गोड पदार्थ
गोड पदार्थ अप्रत्यक्षपणे युरिक ॲसिडची पातळी वाढवू शकतात. त्यामुळे केक, कुकीज, पेस्ट्री, कँडीज, आईस्क्रीम आणि डोनट्स यांसारखे पदार्थ आरोग्यासाठी अजिबात चांगले नाहीत. हे पदार्थ खाणे टाळलेलेच बरे.
प्रोसेस्ड मीट
प्रोसेस्ड मीट खाल्ल्याने युरिक ॲसिडची पातळी लक्षणीयरीत्या वाढते आणि गाउटचा (gout) धोका निर्माण होतो. हे मांस शरीरात तुटून त्याचे युरिक ॲसिडमध्ये रूपांतर होते, ज्यामुळे हायपरयुरिसेमियाचा त्रास सुरू होतो.
