X (पूर्वीचं ट्विटर) वर एक व्हिडीओ तुफान व्हायरल झालाय. यात एक एटिकेट कोच फाइव्ह-स्टार हॉटेलमध्ये चमचा आणि काट्याने डोसा कसा खायचा हे शिकवत आहे. हा व्हिडीओ पाहून नेटकरी मात्र चांगलेच संतापले आहेत आणि डोसा हाताने खाण्याची पारंपरिक पद्धतच योग्य असल्याचं म्हणत आहेत.
सध्या X (पूर्वीचं ट्विटर) वर एक व्हिडीओ खूप चर्चेत आहे. यामध्ये एक 'एटिकेट कोच' (शिष्टाचार शिकवणारे) लोकांना हाताचा स्पर्श न करता डोसा कसा खायचा, हे शिकवताना दिसत आहेत. या व्हिडीओमध्ये ते आधी डोशाचे दोन्ही कोपरे मधोमध दुमडतात, नंतर चमच्याने त्याचा एक तुकडा तोडतात आणि काट्याच्या मदतीने तो उचलून खातात.
हा व्हिडीओ शेअर करणाऱ्या X युझरने कॅप्शनमध्ये लिहिलं आहे, "जेव्हा तुम्ही फाइव्ह-स्टार हॉटेलमध्ये डोशासाठी १५०० रुपये मोजता, तेव्हा तुम्हाला तो हाताने खाण्याची परवानगी नसते. चमचा आणि काटा वापरणं बंधनकारक असतं! फाइव्ह-स्टार गेस्टसारखं डोसा कसा खायचा, याचा हा अधिकृत ट्रेनिंग व्हिडीओ आहे."
व्हायरल व्हिडीओ पाहा
नेटकऱ्यांच्या प्रतिक्रिया
डोसा खाण्याची ही विचित्र पद्धत पाहून कमेंट सेक्शनमध्ये लोकांनी आश्चर्य व्यक्त केलं आहे.
Related Articles
एका युझरने कमेंट केली, "खरंय, हे खूपच विनोदी दिसतंय. फाइव्ह-स्टार हॉटेलमधलं जेवण नेहमीच पाहुण्यांना विचित्र परिस्थितीत टाकतं. हाहा."
दुसऱ्या एकाने लिहिलं, "भारतीय पदार्थ भारतीय पद्धतीने आणि पाश्चात्य पदार्थ पाश्चात्य पद्धतीने खावेत." एकाने तर चॅलेंजच दिलं, "आता पुढे चिकन लॉलीपॉप चमचा-काट्याने खाऊन दाखवा. बघूया." तर आणखी एकाने कमेंट केली, "असं काही नसतं. मी नेहमी फाइव्ह-स्टार हॉटेल्समध्ये जातो. तुम्हाला जसं हवं तसं तुम्ही खाऊ शकता."
