सिकंदरचे बाहुबली कनेक्शन, हा साऊथ सुपरस्टार बनणार सलमान खानच्या मार्गातील अडथळा

या वर्षी सलमान खानचा एकही चित्रपट नाही. पण जेव्हापासून त्याने आगामी 'सिकंदर' या चित्रपटाची घोषणा केली आहे. चाहते रिलीजची आतुरतेने वाट पाहत आहेत. अलीकडेच या चित्रपटात अभिनेत्री रश्मिका मंदान्ना हिने एन्ट्री केली होती, त्यामुळे चाहते खूप उत्सुक होते. आता सिकंदरला बाहुबलीचे कनेक्शन मिळाले आहे. खरं तर, एक नवीन अपडेट समोर आली आहे, बाहुबलीमध्ये कटप्पाची भूमिका साकारणारा अभिनेता सत्यराज खलनायकाच्या भूमिकेत सलमान सोबत दिसणार आहे.

मुरुगदास आठ वर्षांनंतर हिंदी चित्रपटांमध्ये करणार पुनरागमन :

सलमानचा आगामी चित्रपट 'सिकंदर' प्रसिद्ध दिग्दर्शक एआर मुरुगादास दिग्दर्शित करत आहेत. 'अकिरा' (2016) नंतर ते तब्बल आठ वर्षांनी हिंदी चित्रपटांमध्ये पुनरागमन करत आहे. नुकतीच या चित्रपटाच्या शूटिंगशी संबंधित माहिती समोर आली आहे. चित्रपटाचे शूटिंग जून 2024 पासून सुरू होणार असल्याचे सांगण्यात आले आहे .आता चित्रपटात खलनायकाची भूमिका साकारणाऱ्या अभिनेत्याबाबत एक मोठे अपडेट समोर आले आहे. पत्रकार बनलेल्या निर्मात्या चित्रा लक्ष्मण यांच्या नुकत्याच दिलेल्या मुलाखतीनुसार, दक्षिण भारतीय चित्रपटांचा सुप्रसिद्ध अभिनेता सत्यराज या चित्रपटात सलमानसोबत भिडताना दिसणार आहे.

'बाहुबलीचा कटप्पा' सत्यराजची टक्कर होणार 'सिकंदर'शी :

कोणत्याही ॲक्शन चित्रपटात नायकासमोर एक मजबूत खलनायक असणं प्रेक्षकांची मजा द्विगुणित करतं. अशा परिस्थितीत सत्यराजला सलमानच्या विरुद्ध खलनायकाच्या भूमिकेत पाहण्यासाठी चाहते आता खूप उत्सुक आहेत. 'बाहुबली'मध्ये कटप्पाची भूमिका साकारून सत्यराजने सर्वांची मने जिंकली होती.त्यामुळे आता या दोघांना पडद्यावर एकत्र बघायला प्रेक्षकांना खूप मजा येणार आहे. सलमाननेही या चित्रपटाची तयारी सुरू केली आहे. या चित्रपटाची निर्मिती साजिद नाडियादवाला करत आहेत.

सिकंदर चित्रपटाचे बजेट आहे 400 कोटी :

साऊथचे सुपरहिट दिग्दर्शक एआर मुरुगादास सुमारे 400 कोटींच्या बजेटमध्ये सिकंदर हा चित्रपट बनवणार आहेत. या चित्रपटात साऊथ ब्युटी रश्मिका मंदाना सलमान खानसोबत स्क्रीन शेअर करताना दिसणार आहे. या चित्रपटात आणखी कोण दिसणार आहे याबाबत फारशी माहिती समोर आलेली नाही. साजिद नाडियादवाला या चित्रपटाची निर्मिती करत आहेत. सिकंदरच्या रिलीजच्या तारखेबद्दल बोलायचे झाल्यास, 2025 च्या ईदच्या मुहूर्तावर हा चित्रपट जगभरातील चित्रपटगृहांमध्ये प्रदर्शित होणार आहे.

आणखी वाचा :

400 कोटींच्या सिकंदरमध्ये सलमान खान कोणत्या खलनायकाशी भिडणार ? ही तीन नावं आली समोर

सलमान खानच्या सिकंदर चित्रपटात 'या' साऊथ अभिनेत्रीची एन्ट्री ! नाव ऐकून व्हाल आनंदी