US-UK चा येमेनमधील हुथींच्या 36 स्थानांवर हल्ला, लाल समुद्रातील 3 जहाजांवर केली कारवाई

US UK Strike 36 Houthi Targets In Yemen वॉशिंग्टन : इराण-समर्थित हुथी बंडखोरांनी शिपिंगवर वारंवार केलेल्या हल्ल्यांना (Hauthi Attacks in Red Sea) प्रत्युत्तर म्हणून युनायटेड स्टेट्स आणि ब्रिटनने मिळून शनिवार 03.02.2024 रोजी येमेनमधील हुथी बंडखोरांच्या 36 ठिकाणांवर हवाई हल्ले (US UK Hauthi Attack) केले. अमेरिकेचे संरक्षण मंत्री लॉयड ऑस्टिन यांनी ही माहिती दिली आहे.

दहशतवादी हल्ले थांबवण्यासाटी अनेक देशांनी केली मदत

लॉयड ऑस्टिन यांनी सांगितले की या कारवाईसाठी ऑस्ट्रेलिया, बहारीन, कॅनडा, डेन्मार्क, नेदरलँड आणि न्यूझीलंडमधून मदत मिळाली आहे. ऑस्टिन म्हणाले, "यूएस आणि ब्रिटीश सैन्याने येमेनमधील हौथी-नियंत्रित भागात अतिरिक हल्ले केले आहेत. या सामूहिक कारवाईमुळे हुथींना स्पष्ट संदेश मिळाला आहे की त्यांनी आंतरराष्ट्रीय जहाजांवर बेकायदेशीर हल्ले केल्यास त्यांना त्याचे परिणाम भोगावे लागतील.

हा जलमार्ग जगातील सर्वात महत्वाच्या जलमार्गांपैकी एक आहे. या जीवन आणि वाणिज्य व्यापाराच्या प्रवाहाचे संरक्षण करण्यात आम्ही संकोच करणार नाही.” लॉयड ऑस्टिन म्हणाले की, इराण-समर्थित हुथी मिलिशियाची कायदेशीररीत्या लाल समुद्र ओलांडणाऱ्या यूएस आणि आंतरराष्ट्रीय जहाजांवर हल्ले करण्याची क्षमताच कमी करणे, हे या हल्ल्यांचे उद्दिष्ट आहे.

हुथींची महत्त्वाची स्थाने होती लक्ष्य

या एअरस्ट्राइकमध्ये हुथींच्या शस्त्रास्त्रे साठवण्याची ठिकाणे, क्षेपणास्त्र प्रणाली आणि प्रक्षेपक, हवाई संरक्षण यंत्रणा आणि रडारशी जोडलेल्या 13 साइट्सना लक्ष्य करण्यात आले. 7 ऑक्टोबर 2023 रोजी इस्रायल आणि हमास यांच्यात संघर्ष सुरू झाला होता.या युद्धात हुथी बंडखोरांचा हमासला पाठिंबा आहे.

हुथींचे म्हणणे आहे की ते इस्रायल किंवा इस्राएलला ज्या देशांनी पाठिंबा दिला आहे व जे हमासच्या विरोधात आहेत, त्या देशांच्या जहाजांना ते लक्ष्य करीत आहेत. नोव्हेंबरच्या मध्यापासून हुथी बंडखोरांनी व्यावसायिक आणि नौदलाच्या 30 हून अधिक जहाजांवर हल्ले केले आहेत (Hauthi Attacks in Red Sea). सेंट्रल कमांड (सेंटकॉम) ने सांगितले की, "लाल समुद्रात जहाजांवर प्रक्षेपित करण्यासाठी तयार असलेल्या सहा हुथी अँटी-शिप क्षेपणास्त्रांवर शनिवारी अमेरिकन सैन्याने स्वतंत्रपणे हल्ले केले."

लष्करी कमांडने असेही सांगितले की, अमेरिकन सैन्याने आदल्या दिवशी येमेनजवळ आठ ड्रोन पाडले आणि इतर चार ड्रोन प्रक्षेपित होण्याच्या तयारीत असताना नष्ट केले.

हुथी बंडखोरांनी लाल समुद्रातून जाणाऱ्या जहाजांवर हल्ला केल्यानंतर अमेरिका, ब्रिटन आणि त्यांच्या मित्र राष्ट्रांनी त्यांचे नौदल या भागात तैनात केले आहे. 28 जानेवारी रोजी जॉर्डनमध्ये तीन अमेरिकन सैनिकांच्या हत्येच्या प्रत्युत्तरादाखल इराक आणि सीरियामधील इराण-संबंधित लक्ष्यांवर एकतर्फी अमेरिकन एअरस्ट्राईक झाल्यानंतर येमेनमधील संयुक्त हवाई हल्ले एका दिवसात करण्यात आले आहेत.

हुथींविरुद्धच्या हल्ल्यांव्यतिरिक्त, युनायटेड स्टेट्सने एक बहुराष्ट्रीय नौदल टास्क फोर्सची स्थापना केली ज्याचा उद्देश ट्रान्झिट मार्गावरील शिपिंगचे संरक्षण करणे आहे.

आणखी वाचा - 

इराक-सीरियातील इराण समर्थित गटांवर अमेरिकेचा एअरस्ट्राईक, 18 ठार

UPI Goes Global : फ्रान्समध्ये यूपीआय प्रणाली लाँच, भारतीय प्रवाशांना पेमेंट करणे होणार सोपे

पाकिस्तानचे माजी पंतप्रधान इमरान खान यांना 10 वर्षांच्या तुरुंगवासाची शिक्षा, माजी परराष्ट्रमंत्रीही दोषी