प्रेमासाठी बनवला अनोखा पुतळा! मार्क झुकेरबर्गने पत्नीसाठी काय केलं?

आपल्या पत्नीवरचे प्रेम व्यक्त करत फेसबुकचे संस्थापक आणि अब्जाधीश उद्योजक मार्क झुकेरबर्गने आपल्या घराच्या मागे पत्नी प्रिसिला चॅनचा महाकाय पुतळा बसवला आहे. चॅन प्रिसिलाचा स्वतःच्या महाकाय पुतळ्यासमोर उभा असलेला फोटो फेसबुकच्या संस्थापकाने इन्स्टाग्राम या सोशल मीडिया प्लॅटफॉर्मवर पोस्ट केला आहे जो व्हायरल झाला आहे. हा पुतळा प्रिसिलापेक्षा खूप उंच आणि मोठा आहे.

झुकेरबर्गने प्रसिद्ध कलाकार डॅनियल अर्शम यांना हा पुतळा तयार करण्याची विनंती केली होती. डॅनियल अर्शम हा न्यूयॉर्कमध्ये राहणारा आर्किटेक्ट, शिल्पकार आणि परफॉर्मन्स आर्टिस्ट आहे. प्रिसिला चॅनचा त्याने नुकताच तयार केलेला पुतळाही त्याच्या अलीकडच्या 'ब्रॉन्झ विथ टिफन ग्रीन पॅटीना' सारखाच आहे.

मार्क झुकरबर्गने इंस्टाग्रामवर लिहिले की, "डॅनियल अर्शम, माझ्या पत्नीचा पुतळा बनवून रोमन परंपरा परत आणल्याबद्दल धन्यवाद." यासोबतच त्यांनी या नव्या पुतळ्यासमोर पत्नी प्रिसिला उभ्या असल्याचा फोटोही शेअर केला आहे. मार्क झुकरबर्ग आणि प्रिसिला चॅन यांचे १२ वर्षांपूर्वी लग्न झाले होते आणि या जोडप्याला मॅक्सिमा, ऑगस्ट आणि ऑरेलिया नावाच्या तीन मुली आहेत. मार्क झुकेरबर्ग आणि प्रिसिला यांची पहिली भेट हार्वर्ड विद्यापीठात शिकत असताना कॉलेज मित्रांनी आयोजित केलेल्या पार्टीत झाली होती. यानंतर दोघांनी 2003 पासून डेट करायला सुरुवात केली.

टेक अब्जाधीश मार्क झुकरबर्गने गेल्या वर्षी फेसबुकवर आपल्या प्रेमकथेबद्दल लिहिले होते. मार्क झुकेरबर्गने लिहिले, "माझ्या मित्रांना वाटले की मला कॉलेजमधून बाहेर काढले जाईल, म्हणून त्यांनी माझ्यासाठी एक पार्टी दिली, जिथे मी माझी पत्नी प्रिसिलाला पहिल्यांदा भेटलो." त्याने पुढे लिहिले की, "मी प्रिसिलाला सांगितले की माझ्याकडे खूप कमी वेळ आहे, त्यामुळे आपण लवकरात लवकर बाहेर जावे." त्यानंतर मी फेसबुक सुरू केले. मग आमचे लग्न झाले आणि आम्हाला तीन सुंदर मुली झाल्या. आमचा प्रवास खूप छान झाला आहे.” आता मार्क झुकरबर्गने आपल्या पत्नीचा पुतळा बसवल्याची बातमी सोशल मीडियावर खळबळ माजवत आहे.
आणखी वाचा - 
इस्रोने SSLV D-3 उपग्रह उपग्रहाचे केले प्रक्षेपण, जाणून घ्या खास गोष्टी