नवीन वर्षात भारतात येणार हे स्मार्टफोन, एका फोनच्या झूमने तर सगळं दिसणार
या आठवड्यात भारतीय स्मार्टफोन बाजारात मोठी उलथापालथ होणार आहे. ५ ते ११ जानेवारी दरम्यान Redmi, Realme, Motorola, आणि POCO सारख्या कंपन्या आपले नवीन ५जी स्मार्टफोन्स लाँच करत आहेत.
नवीन वर्षात भारतात येणार हे स्मार्टफोन, एका फोनच्या झूमने तर सगळं दिसणार
भारतीय स्मार्टफोनच्या मार्केटमध्ये नवीन फोन येणार आहेत. या आठवड्यात भारतीय बाजारपेठेत स्मार्टफोन्स मोठ्या प्रमाणावर येणार आहेत. ५ ते ११ जानेवारीच्या दरम्यान हे फोन येणार आहेत.
Redmi Note 15 5G
हा फोन जानेवारी महिन्यात कंपनीकडून मार्केटमध्ये आणला जाणार आहे. हा मोबाईल स्नॅपड्रॅगन ६ जेन ३ प्रोसेसरवर काम करतो. पॉवर बॅकअपसाठी, यात ४५ वॉट फास्ट चार्जिंग तंत्रज्ञानासह ५,५२० एमएएच बॅटरी आहे. फोटोग्राफीसाठी, १०८-मेगापिक्सेलचा ड्युअल रियर कॅमेरा सेटअप देण्यात आला आहे आणि २०-मेगापिक्सेलचा फ्रंट कॅमेरा दिसून येतो.
realme 16 Pro
Realme 16 Pro 5G भारतात 6 जानेवारी रोजी लाँच होणार आहे. या फोनमध्ये फोटोग्राफीसाठी २०० मेगापिक्सेलचा कॅमेरा देण्यात येतो, त्यामध्ये ७००० mAh ची बॅटरी देण्यात आली आहे. त्याची किंमत ३०,००० पेक्षा जास्त असण्याची शक्यता आहे.
realme 16 Pro+
Realme 16 Pro Plus या आठवड्यात 6 जानेवारी रोजी भारतात लाँच होईल. हा 5G फोन क्वालकॉमच्या स्नॅपड्रॅगन 7 Gen 4 ऑक्टा-कोर प्रोसेसर आणि LPDDR5X रॅमवर काम करतो. पॉवर बॅकअपसाठी, तो 80W फास्ट चार्जिंग तंत्रज्ञानाच्या सपोर्टसह 7000mAh बॅटरीने सुसज्ज आहे.
Motorola Signature
या आठवड्यात, भारतात एक नवीन मोटोरोला सिग्नेचर फोन लाँच केला जाणार आहे. कंपनीने त्याचे फीचर्स आणि स्पेसिफिकेशन सिक्रेट ठेवले आहेत, परंतु लीक्सनुसार, हा मोबाईल क्वालकॉम स्नॅपड्रॅगन 8 जनरल 5 चिपसेटवर लाँच केला जाऊ शकतो आणि त्यात 12 जीबी रॅम असू शकतो. फोटोग्राफीसाठी, यात पेरिस्कोप टेलिफोटो लेन्ससह ट्रिपल रियर कॅमेरा सेटअप दिला जाऊ शकतो.
POCO M8 5G
Poco M8 5G फोन या आठवड्यात 8 जानेवारी रोजी भारतात लाँच होणार आहे. यात क्वालकॉम स्नॅपड्रॅगन 6 जनरल 3 ऑक्टा-कोर प्रोसेसर आणि 8GB रॅम असण्याची शक्यता आहे. फोटोग्राफीसाठी, त्याच्या ड्युअल रिअर कॅमेरा सेटअपमध्ये 50-मेगापिक्सेलचा मुख्य सेन्सर आणि 20-मेगापिक्सेलचा सेल्फी कॅमेरा असू शकतो.
