Mumbai Woman Attacks Lover For Refusing Marriage : मुंबईत, 7 वर्षांपासून प्रेमसंबंधात असूनही लग्न करण्यास नकार देणाऱ्या 42 वर्षीय प्रियकराचा 25 वर्षीय तरुणीने गुप्तांगावर चाकूने वार केल्याची धक्कादायक घटना घडली आहे.
Mumbai Woman Attacks Lover For Refusing Marriage : "माझ्याशी लग्न कर" असं सांगूनही ऐकलं नाही म्हणून, संतापलेल्या 25 वर्षीय तरुणीने आपल्या 42 वर्षीय प्रियकराच्या गुप्तांगावर चाकूने वार केल्याच्या घटनेने मुंबईत खळबळ उडाली आहे.
मुंबईतील सांताक्रूझ पूर्व येथील कलिना भागात राहणाऱ्या 25 वर्षीय तरुणीचे 42 वर्षीय व्यक्तीसोबत गेल्या 7 वर्षांपासून प्रेमसंबंध होते. ती तरुणी त्याला लग्न करण्यासाठी अनेक दिवसांपासून आग्रह करत होती. पण, तो व्यक्ती लग्नासाठी सतत नकार देत होता, असं म्हटलं जातं.
नियोजनबद्ध हल्ला
नवीन वर्षाच्या सेलिब्रेशनसाठी तरुणीने प्रियकराला आपल्या घरी बोलावले होते. पार्टी संपल्यानंतर गुरुवारी पहाटे दोघांमध्ये पुन्हा लग्नाचा विषय निघाला. यावेळी झालेल्या वादाचे रूपांतर भांडणात झाले आणि संतापलेल्या तरुणीने लपवून ठेवलेल्या धारदार शस्त्राने प्रियकराच्या गुप्तांगावर वार केले.
Related Articles
गंभीर जखमी अवस्थेत, रक्तबंबाळ झालेला तो व्यक्ती तिथून पळून गेला आणि त्याने आपल्या भावाला घटनेची माहिती दिली. त्याला तातडीने व्ही.एन. देसाई रुग्णालयात दाखल करण्यात आले असून, सध्या त्याच्यावर अतिदक्षता विभागात उपचार सुरू आहेत.
पोलिसांची कारवाई
याप्रकरणी वाकोला पोलिसांनी गुन्हा दाखल केला आहे. धोकादायक शस्त्रांनी दुखापत करणे आणि धमकी देणे यासह भारतीय न्याय संहिता (BNS) कायद्यांतर्गत गुन्हा नोंदवण्यात आला आहे.
फरार झालेल्या तरुणीला पकडण्यासाठी विशेष पथक तयार करण्यात आले असून, तिचा कसून शोध घेतला जात आहे.
