Washing Tips: वॉशिंग मशीनमध्ये 'हे' कपडे धुताय? मशीन खराब होईल, वेळीच सावध व्हा!
Washing Tips: वॉशिंग मशीनमुळे घरातली कामं खूप सोपी झाली आहेत, हे खरंय. पण त्यात सगळेच कपडे धुता येत नाहीत. काही कपडे चुकूनही मशीनमध्ये टाकले, तर तुमचं मशीन कायमचं खराब होऊ शकतं. त्यामुळे वेळीच काळजी घ्या.
14
Image Credit : Getty
Washing Machine
आजकाल जवळपास प्रत्येकाच्या घरी वॉशिंग मशीन असतंच. हाताने कपडे धुणारे लोक आता खूप कमी झाले आहेत. मशीनमुळे आपलं काम सोपं झालंय, पण मशीनची काळजी घेतली तरच ती जास्त काळ टिकते. काही कपडे चुकूनही मशीनमध्ये धुतल्यास तुमचं महागडं मशीन खराब होऊ शकतं. चला, जाणून घेऊया कोणते कपडे मशीनमध्ये धुवू नयेत.
24
Image Credit : Getty
स्टोन वर्क
अनेकजण कपड्यांवर खास डिझाइन म्हणून स्टोन किंवा खड्यांचं वर्क करून घेतात. असे कपडे वॉशिंग मशीनमध्ये धुवू नका. यामुळे कपडे लवकर फाटू शकतात आणि धागेही निघू शकतात. इतकंच नाही, तर या खड्यांमुळे वॉशिंग मशीनचा ड्रम खराब होण्याची शक्यता असते. तसेच, लोकरीचे कपडे खूप नाजूक असतात, त्यामुळे ते मशीनमध्ये धुतल्यास खराब होतात. त्यांना नेहमी हलक्या हातांनी धुवावं.
34
Image Credit : Asianet News
वॉटरप्रूफ कपडे
रेनकोट वॉटरप्रूफ असल्यामुळे तो मशीनमध्ये धुवू नये. मशीनमध्ये पाणी भरल्यावर तो फुग्यासारखा फुगतो आणि फाटण्याची शक्यता असते. यामुळे मशीनवर दाब येऊन ती खराब होऊ शकते. तसेच, ज्या कपड्यांवर तेल, पेट्रोल किंवा ग्रीससारखे ज्वलनशील डाग लागले आहेत, ते कपडे मशीनमध्ये टाकू नका. यामुळे मशीनमध्ये आग लागण्याचा धोका असतो.
44
Image Credit : Asianet News
लेस लावलेले कपडे
लेस लावलेले कपडे खूप नाजूक असतात. वॉशिंग मशीनमध्ये धुतल्यास त्यांची लेस खराब होते आणि कपड्यांचा लुक बिघडतो. त्यामुळे असे कपडे हातानेच धुवावेत. याचबरोबर, महागडी आणि पॅडेड किंवा अंडरवायर असलेली अंतर्वस्त्रं (Lingerie) मशीनमध्ये धुवू नका. मशीनच्या वेगामुळे त्यांचा आकार बिघडतो आणि ती फाटूसुद्धा शकतात.
