Scooter Market: ओला, टीव्हीएसला जोरदार टक्कर देत 'रिझ्टा'ने रचला नवा रेकॉर्ड!
Scooter Market: भारताच्या ईव्ही मार्केटमध्ये प्रीमियम आणि हाय-टेक स्कूटर्स आणण्याचं श्रेय एथर एनर्जीला जातं. कंपनीने आतापर्यंत जवळपास 7 लाख इलेक्ट्रिक स्कूटर्स विकल्या आहेत.
एथर एनर्जी
एथर एनर्जी ही भारतातील एक आघाडीची इलेक्ट्रिक टू-व्हीलर कंपनी आहे. आयआयटी मद्रासचे माजी विद्यार्थी तरुण मेहता आणि स्वप्नील जैन यांनी 2013 मध्ये ही कंपनी सुरू केली आणि 2018 मध्ये लाँच केली. भारतात प्रीमियम आणि हाय-टेक स्कूटर्स आणण्याचं श्रेय एथरलाच जातं. कंपनीने आतापर्यंत जवळपास 7 लाख स्कूटर्स विकल्या आहेत.
स्पर्धक कंपन्यांना धक्का
हा टप्पा गाठणारी एथर ही भारतातील चौथी इलेक्ट्रिक स्कूटर कंपनी आहे. याआधी ओला इलेक्ट्रिक, टीव्हीएस मोटर आणि बजाज ऑटो यांनी ही कामगिरी केली आहे.
रिझ्टामुळे एथरची मोठी वाढ
एथरच्या या प्रचंड यशामागे 'रिझ्टा' (Rizta) ही फॅमिली स्कूटर आहे. सध्या एथरच्या एकूण मासिक विक्रीत रिझ्टाचा वाटा तब्बल 75 टक्के आहे. जास्त जागा आणि कुटुंबासाठी सोयीस्कर डिझाइनमुळे ही स्कूटर ग्राहकांची पहिली पसंती बनली आहे. विशेष म्हणजे, हे एथरचं सर्वात स्वस्त मॉडेल आहे. याची एक्स-शोरूम किंमत १ लाखांपेक्षा जास्त असली तरी, ग्राहक तिच्या क्वालिटीसाठी आवडीने खरेदी करत आहेत.
एथर कंपनी नव्या विक्रमाच्या दिशेने
2026 या वर्षात एथरच्या स्कूटर विक्रीने मोठी झेप घेतली आहे. एकाच वर्षात 3 लाख स्कूटर्स विकण्याचा नवा विक्रम एथर यावर्षी करेल अशी अपेक्षा आहे. 2026 चे पहिले सहा महिने पूर्ण होण्याआधीच, कंपनीने 1.63 लाख स्कूटर्स विकल्या आहेत. याआधी 2025 मध्ये 2.15 लाख युनिट्सची विक्री हा एथरचा एका वर्षातील उच्चांक होता. आता बंगळुरूची ही कंपनी तो रेकॉर्ड सहज मोडणार आहे.
ईव्ही मार्केटमध्ये एथरची ताकद वाढली
मागील वर्षाच्या तुलनेत, 2026 मध्ये एथरची विक्री 91 टक्क्यांनी वाढली आहे. एकूण इलेक्ट्रिक टू-व्हीलर मार्केटमध्ये एथरचा वाटा आता 17.53 टक्क्यांवर पोहोचला आहे. हाच वाटा 2025 मध्ये 16 टक्के आणि 2024 मध्ये फक्त 11.23 टक्के होता.
