Health Tips: उन्हाळ्यात गरम की थंड, कोणतं पाणी आरोग्यासाठी असतं फायद्याचं?
Health Tips: उन्हाळ्याच्या कडाक्याच्या गरमीत थंडगार पाणी प्यायला खूप बरं वाटतं. पण तुम्हाला माहिती आहे का, की उन्हाळ्यातही गरम किंवा सामान्य तापमानाचं पाणी पिण्याचे अनेक आरोग्यदायी फायदे आहेत? चला, याबद्दल सविस्तर जाणून घेऊया.
15
Image Credit : Getty
कोणतं पाणी जास्त चांगलं?
उन्हाळा वाढला की शरीर हायड्रेटेड ठेवणं खूप महत्त्वाचं असतं. पण अशावेळी कुणालाही गरम पाणी प्यावंसं वाटत नाही. सगळे फ्रिजमधलं थंडगार पाणी पिणंच पसंत करतात. पण आरोग्यासाठी नेमकं काय चांगलं आहे? जाणून घेऊया.
25
Image Credit : Getty
थंड पाणी पिण्याचे परिणाम
थंड पाणी प्यायल्याने तात्पुरता थंडावा मिळतो, पण ते पचनक्रियेवर वाईट परिणाम करतं. थंड पाण्यामुळे शरीराचं तापमान अचानक कमी होतं, ज्यामुळे अन्न नीट पचत नाही आणि अपचनाची समस्या उद्भवू शकते. विशेषतः जेवणानंतर थंड पाणी पिणं टाळावं.
35
Image Credit : Getty
गरम किंवा कोमट पाण्याचे फायदे
कोमट पाणी प्यायल्याने पचनक्रिया सुधारते. यामुळे शरीरातील रक्ताभिसरण चांगलं होतं आणि शरीरातील विषारी घटक बाहेर टाकण्यास मदत मिळते. तज्ज्ञांच्या मते, उन्हाळ्यातही सकाळी उठल्यावर कोमट पाणी प्यायल्यास मेटाबॉलिझम (चयापचय क्रिया) वाढतो.
45
Image Credit : Getty
कोणतं पाणी सर्वोत्तम?
तज्ज्ञांच्या मते, उन्हाळ्यात खूप थंड किंवा खूप गरम पाण्याऐवजी सामान्य तापमानाचं (Room Temperature) पाणी पिणं हा सर्वोत्तम पर्याय आहे. हे पाणी शरीराचं संतुलन राखतं. विशेषतः उन्हातून आल्यावर लगेच फ्रिजचं पाणी पिणं टाळावं.
55
Image Credit : stockPhoto
दिवसाला किती पाणी प्यावे?
डिहायड्रेशन (Dehydration) टाळण्यासाठी दिवसाला किमान २.५ ते ३ लिटर पाणी पिणं आवश्यक आहे. ज्यांना खूप घाम येतो, त्यांनी यापेक्षा जास्त पाणी प्यायला हवं. पाण्यासोबतच नारळ पाणी, फळांचे रस प्यायल्यानेही शरीराला थंडावा मिळतो.
