Hanuman Jayanti येत्या २ एप्रिल, गुरुवारी हनुमान जयंती साजरी केली जाईल. या दिवशी हनुमानजींना खास नैवेद्य दाखवला जातो. बागेश्वर सरकार म्हणजेच पं. धीरेंद्र कृष्ण शास्त्री यांनी सांगितलेले हनुमानजींचे ८ आवडते पदार्थ कोणते आहेत, ते जाणून घेऊया.
Hanuman Bhog Mantra: हनुमानजी हे कलियुगातील जागृत देवता मानले जातात. दरवर्षी चैत्र पौर्णिमेला हनुमान जन्मोत्सव साजरा केला जातो. यावर्षी हा उत्सव २ एप्रिल, गुरुवारी साजरा केला जाईल. या दिवशी देशभरातील हनुमान मंदिरांमध्ये विशेष पूजा आणि नैवेद्य अर्पण केला जातो. हनुमानजींना नैवेद्यामध्ये कोणत्या ८ गोष्टी विशेष प्रिय आहेत, याबद्दल पं. धीरेंद्र कृष्ण शास्त्री यांनी त्यांच्या एका व्हिडिओमध्ये माहिती दिली आहे. चला, जाणून घेऊया कोणत्या आहेत त्या ८ गोष्टी...
हे आहेत हनुमानजींचे ८ आवडते नैवेद्य
१. गूळ-चणे - हनुमानजींना गूळ आणि चण्यांचा नैवेद्य खूप प्रिय आहे, कारण हे दोन्ही पदार्थ नैसर्गिक आहेत. हे अर्पण केल्याने कुंडलीतील ग्रहदोष दूर होतात.
Related Articles
२. गोड पान - हनुमानजींना तंबाखू नसलेलं गोड विड्याचं पान अर्पण केल्यास सर्व प्रकारच्या अडचणी दूर होतात.
३. नारळ - हनुमानजींना अख्खा नारळ अर्पण करावा, तो फोडू नये. यामुळे भविष्यात येणाऱ्या संकटांपासून रक्षण होतं.
४. शुद्ध तुपातील इमरती - पं. धीरेंद्र कृष्ण शास्त्री यांच्या मते, हनुमानजींना इमरतीचा नैवेद्य दाखवल्यास तुमच्या सर्व मनोकामना पूर्ण होऊ शकतात.
५. मोतीचूर लाडू - शुद्ध तुपात बनवलेल्या मोतीचूर लाडूंचा नैवेद्य दाखवल्याने हनुमानजींची कृपा कायम राहते.
६. केशरी भात - हनुमानजींना केशर घातलेल्या गोड भाताचा नैवेद्य दाखवल्याने मंगळ दोषाचं निवारण होतं.
७. गायीच्या शुद्ध तुपातील रोट - हनुमानजींना 'रोट'चा (जाडसर गोड पोळी) नैवेद्य दाखवल्याने घरातील सर्व समस्या दूर होतात.
८. पंचमेवा - मनुका (किशमिश), खडीसाखर, काजू, बदाम आणि मखणे एकत्र करून पंचमेवा तयार होतो. याचा नैवेद्य दाखवल्यास हनुमानजी सर्व प्रकारच्या सिद्धी प्रदान करतात.
हनुमानजींना नैवेद्य दाखवण्याचा मंत्र
हनुमानजींना नैवेद्य दाखवण्यासाठी एक खास मंत्र आहे -
त्वदीयं वस्तु गोविन्द तुभ्यमेव समर्पये।
गृहाण सम्मुखो भूत्वा प्रसीद परमेश्वर॥
हा मंत्र म्हटल्यानंतर, हातात थोडं पाणी घेऊन नैवेद्याभोवती फिरवा आणि 'ऊं प्राणाय स्वाहा, ऊं अपानाय स्वाहा, ऊं व्यानाय स्वाहा, ऊं उदानाय स्वाहा, ऊं समानाय स्वाहा' हे मंत्र बोलून पाणी जमिनीवर सोडून द्या.
