Ganesh Chaturthi 2025 : तळलेल्या मोदकांना असा आणा कुरकुरीतपणा, सगळेच कौतुक करतील!

मोदक म्हणजे स्वर्गीय सुख. फक्त खाण्याचेच नव्हे तर प्रसादासाठी मोदक बनविण्याचे सुखही वेगळेच असते. पण या मोदकांना कुरकुरीतपणा कसा आणायचा हे खरे आव्हान असते. तर जाणून घ्या...

Image Credit : fb

२१ मोदकांचा नैवेद्य

घरच्या घरी मोदक बनवायला महिलांना खूप आवडते, पण ते कुरकुरीत कसे करायचे हीच चिंता असते. म्हणून आज आपण जाणून घेऊ या की मोदक कुरकुरीत, चविष्ट आणि वेगळ्या पद्धतीने अगदी झटपट कसे बनवावे.

गणेश चतुर्थीला प्रत्येक घरात मोदक बनवले जातात. गणपती बाप्पाला मोदक फार आवडतात, म्हणूनच सणाच्या दिवशी २१ मोदकांचा नैवेद्य अर्पण करण्याची प्रथा आहे. मोदक अनेक प्रकारे तयार केले जातात. उकडीचे मोदक, तळलेले मोदक, चॉकलेट मोदक, ड्रायफूट मोदक फार प्रसिद्ध आहेत.

Image Credit : fb

मोदक करण्याची पद्धत

पोळी बनवण्यासाठी : १०० ग्रॅम चिरोटी रवा, २ टेबलस्पून मैदा, २ टेबलस्पून तूप, चिमूटभर मीठ घ्यावे. सुरुवातीला पाणी न घालता मिसळून घ्यावे. हळूहळू पाणी घालून पिठ मळून घ्यावे. वरून थोडासा मैदा भुरभुरवून ठेवावा.

Image Credit : fb

सारण तयार करण्यासाठी :

• कढईत १ टेबलस्पून तूप गरम करून त्यात थोडे काजू-बदाम घालून परतावे.
• मग किसलेले नारळ घालून हलवावे.
• त्यात गुळ घालावा. दोन मिनिटांत गुळ पाणी सोडेल. अजून पाणी घालू नये.
• नंतर १ टेबलस्पून चिरोटी रवा टाकल्यास सारण घट्ट आणि छान होते.
• वरून चिमूटभर वेलची पूड घालून थंड होऊ द्यावे.
• या प्रमाणात १०–११ मोदक तयार होतात.

Image Credit : fb

तळण्यासाठी :

• आधी मळलेली कणिक पुन्हा पोळीच्या पिठासारखी मळून लहान लहान गोळे करावेत.
• गोळा थोडा लाटून त्यात सारण भरून मोदकाचा आकार द्यावा.
• दुकानात मिळणारे साचे वापरले तर आकार नीट येतो.
• तेल जास्त गरम न करता मध्यम आचेवर मोदक तळावेत.
• असे केले तर कुरकुरीत, खमंग मोदक नैवेद्यासाठी तयार होतात.

Image Credit : fb

मोदक बनवण्याच्या काही टिप्स

• नेहमी चांगल्या दर्जाचे ताजे पीठ वापरावे.
• खूप पाणी घालू नये, फक्त पुर्‍याच्या पिठासारखे घट्ट पीठ करावे.
• मैदा घातल्याने मोदक कुरकुरीत होतात.
• चिरोटी रवा सारणात घातल्यास ते घट्ट राहते, चिकटत नाही.
• तेल खूप तापवू नये, मध्यम आचेवरच मोदक तळावेत.
• परफेक्ट आकारासाठी साचे वापरता येतात.
• तळलेले मोदक जास्त दिवस टिकतात, पण वाफवलेले मोदक फक्त त्याच दिवशी खाल्लेले बरे.