तुमच्या किचनमधले जुने, खराब झालेले मसाल्याचे डबे फेकून देणार असाल तर थांबा. या डब्यांपासून तुम्ही घराला नवा लुक देणारे सुंदर प्लांटर्स बनवू शकता. कसं ते जाणून घ्या.
किचनमध्ये मसाल्याचे डबे खूप दिवस वापरले की ते खराब होतात, त्यावर डाग पडतात. मग आपण नवीन डबे आणतो आणि जुने फेकून देतो. पण थांबा! हे जुने डबे फेकून देण्याऐवजी तुम्ही थोडी क्रिएटिव्हिटी दाखवून त्याचे सुंदर प्लांटर्स बनवू शकता. प्लॅस्टिकचे असोत किंवा टिनचे, कोणताही डबा सहजपणे एका सुंदर प्लांटरमध्ये बदलू शकतो.
मसाल्याच्या डब्यापासून बनवा पांडा प्लांटर
हळद, चहापत्ती किंवा साखरेच्या जुन्या डब्यापासून तुम्ही एक गोंडस पांडा प्लांटर बनवू शकता. यासाठी तुम्हाला क्ले (माती) लागेल. आधी डब्याला काळ्या रंगाचा डबल कोट द्या. मग मध्यभागी पांढऱ्या रंगाने पांडाचा चेहरा काढा. पांडाचे नाक आणि कान तुम्ही क्लेच्या मदतीने बनवू शकता आणि त्यांना काळा रंग देऊ शकता. डोळे काढण्यासाठी परमनंट मार्कर वापरा. हे बनवायला खूप सोपं आहे आणि दिसायलाही खूप छान दिसतं.
Related Articles
तयार करा आकर्षक एनिमल-बर्ड प्लांटर
प्लॅस्टिकच्या जुन्या मसाल्याच्या डब्यांना तुम्ही प्राण्यांच्या किंवा पक्ष्यांच्या आकारातले प्लांटर्स बनवू शकता. सध्या Pinterest वर पॅरेट (पोपट) प्लांटर खूप ट्रेंडिंग आहे. हे बनवण्यासाठी तुम्हाला गुलाबी, हिरवा, नारंगी रंगाचा क्ले लागेल. क्ले पानांच्या आकारात कापून घ्या आणि डब्यावर गोल आकारात लावा. पोपटाची चोच तुम्ही क्लेनेच बनवू शकता. हा प्लांटर खूपच आकर्षक दिसतो. याच पद्धतीने तुम्ही वाघ, डुक्कर किंवा मांजरीच्या डिझाइनचे प्लांटर्सही सहज बनवू शकता.
फ्लोरल पेंटिंग प्लांटर
जर तुम्हाला काहीच वेगळं सुचत नसेल, तर सरळ प्लॅस्टिक किंवा टिनच्या डब्याला रंग द्या आणि त्यावर फुलांची सुंदर डिझाइन काढा. हे दिसायला खूप सुंदर दिसतात आणि बनवायलाही सोपे असतात.
आणखी वाचा: Serum Bottle Makeover: रिकाम्या सीरम बॉटलपासून बनवा सुंदर प्लांटर
सहज बनवा पोल्का डॉट प्लांटर
जर तुमची ड्रॉइंग फारशी चांगली नसेल, तर चिंता करू नका. मसाल्याच्या डब्याला तुमच्या आवडत्या रंगाने रंगवा आणि त्यावर कॉन्ट्रास्ट रंगाने छोटे-छोटे पोल्का डॉट्स (ठिपके) काढा. हे प्लांटर्ससुद्धा खूप युनिक आणि स्टायलिश दिसतील.
