तुमच्या घरात पडून असलेल्या जुन्या जीन्स फेकून देण्याऐवजी, तुम्ही त्यांपासून मुलांसाठी डंगरी, फ्रॉक, मिनी बॅग, खेळणी आणि प्ले-मॅट यांसारख्या अनेक क्रिएटिव्ह आणि उपयोगी वस्तू बनवू शकता. जाणून घ्या सोप्या DIY आयडिया.
Denim Uses for Kids: आपण रोजच्या वापरापासून ते खास कार्यक्रमांपर्यंत डेनिम जीन्स नक्कीच वापरतो. या जीन्स स्टायलिश आणि महागड्याही असतात. पण काही काळानंतर जेव्हा त्यांची फॅशन जाते, तेव्हा आपण त्या निरुपयोगी समजून फेकून देतो. पण आता असं करू नका, कारण या जुन्या जीन्स वापरून मुलांसाठी अनेक सुंदर वस्तू बनवता येतात. मुलांच्या डंगरीपासून ते त्यांच्यासाठी हँडबॅगपर्यंत, बरंच काही तयार करता येतं. चला तर मग, बाबा, भाऊ किंवा आईच्या जुन्या जीन्सपासून मुलांसाठी काय काय बनवता येईल ते पाहूया...
जुन्या जीन्सचा पुन्हा वापर कसा करायचा?
जुन्या जीन्स फेकून देण्याऐवजी तुम्ही त्यापासून मुलांसाठी खूप गोंडस आणि उपयोगी वस्तू बनवू शकता. याचा सर्वोत्तम वापर म्हणजे मुलांसाठी डंगरी किंवा शॉर्ट्स बनवणे. जुन्या जीन्सचा पायाकडचा भाग कापा आणि मुलांच्या मापाप्रमाणे कट करा. वरच्या बाजूला इलास्टिक किंवा स्ट्रीप्स जोडा आणि लहान मुलांसाठी मस्त आणि आरामदायक डंगरी किंवा शॉर्ट्स तयार करा.
आणखी वाचा- कुशन कव्हरचा पुन्हा वापर: जुनी, मळलेली कव्हर्स फेकू नका, असा करा वापर
Related Articles
डेनिमपासून मुलांसाठी फ्रॉक बनवा
जुन्या जीन्सपासून तुम्ही मुलांसाठी फ्रॉकसुद्धा बनवू शकता. डेनिमचं कापड मजबूत असल्यामुळे मुलं ते रोजच्या वापरातही घालू शकतात. यासाठी, जीन्स पूर्णपणे उघडून घ्या आणि मुलांच्या मापाप्रमाणे एक स्टायलिश स्ट्रेपी फ्रॉक शिवून तयार करा.
मिनी बॅग किंवा स्लिंग बॅग बनवा
जुन्या जीन्सपासून तुम्ही मुलांसाठी एक गोंडस स्लिंग किंवा मिनी बॅगही बनवू शकता. जीन्सचा खिशाकडचा भाग कापून घ्या आणि वरून शिलाई मारून त्याला बॅगचा आकार द्या. त्याला जीन्सचीच एक पट्टी जोडा आणि मुलांसाठी एक क्युट स्लिंग बॅग तयार करून द्या.
सॉफ्ट टॉय म्हणून वापर करा
जुन्या जीन्सचा वापर मुलांसाठी सॉफ्ट टॉय, टेडी बेअर किंवा कुशन बनवण्यासाठीही करता येतो. डेनिम कापड टेडी किंवा स्टारच्या आकारात कापून घ्या. त्यात कापूस भरा आणि कडेने शिवून घ्या. हे खेळणं मजबूत आणि जास्त काळ टिकणारं असतं.
डेनिमपासून ऑर्गनायझर बनवा
तुमच्याकडे खूप जुन्या डेनिम जीन्स पडून असतील, तर जीन्सचा खिसा असलेला भाग कापून घ्या आणि एका बोर्डवर किंवा कापडावर शिवून घ्या. याला वरच्या बाजूला एक दोरी बांधा, जेणेकरून ते भिंतीवर टांगता येईल. यात मुलं त्यांचे क्रेयॉन्स, ब्रश आणि छोटी खेळणी ठेवू शकतात.
प्ले-मॅट बनवा
मुलांना खेळण्यासाठी तुम्ही जुन्या जीन्सच्या मदतीने प्ले-मॅटसुद्धा बनवू शकता. जीन्सचे वेगवेगळे तुकडे जोडून एक मोठा चौकोनी तुकडा तयार करा. त्याच्या खाली मऊ कापड लावा आणि मुलांसाठी एक सुरक्षित आणि मजबूत मॅट तयार करा.
