CJ Roy Net Worth: रियल इस्टेट टायकून सीजे रॉय यांची संपत्ती किती आहे? जाणून घ्या
कॉन्फिडेंट ग्रुपचे संस्थापक आणि अध्यक्ष डॉ. सी.जे. रॉय हे भारतातील सर्वात श्रीमंत व्यक्तींपैकी एक होते. त्यांचा व्यवसाय भारत, यूएई आणि अमेरिकेत पसरलेला आहे. रॉय यांनी रिअल इस्टेट आणि हॉस्पिटॅलिटी क्षेत्रात मोठे साम्राज्य उभे केले होते.
रियल इस्टेट टायकून सीजे रॉय यांची आत्महत्या
प्रसिद्ध उद्योगपती आणि कॉन्फिडेंट ग्रुपचे अध्यक्ष डॉ. सी.जे. रॉय (57) यांनी आत्महत्या केली आहे. बंगळूरमधील मुख्यालयात त्यांनी स्वतःवर गोळी झाडली. गेल्या महिनाभरापासून त्यांच्या कंपन्यांवर आयकर विभागाचे छापे पडत होते, त्यामुळे ते प्रचंड तणावाखाली होते.
सीजे रॉय यांचे वैयक्तिक आयुष्य...
सीजे रॉय यांचे पूर्ण नाव चिरियांकंदथ जोसेफ रॉय होते. ते मूळचे केरळचे होते. 2006 मध्ये त्यांनी कॉन्फिडेंट ग्रुपची स्थापना केली. त्यांच्या पत्नीचे नाव लिनी रॉय असून त्यांना दोन मुले आहेत. सध्या त्यांचे कुटुंब परदेशात आहे.
सीजे रॉय यांचे व्यावसायिक साम्राज्य...
सीजे रॉय यांच्या कॉन्फिडेंट ग्रुपचा व्यवसाय भारत, यूएई आणि अमेरिकेत पसरलेला आहे. या ग्रुपने 150 हून अधिक रिअल इस्टेट प्रकल्प पूर्ण केले आहेत. याशिवाय, कंपनीने काही चित्रपटांची निर्मिती केली आहे आणि 'बिग बॉस' (कन्नड) शोचे प्रायोजकत्वही केले आहे.
सीजे रॉय यांची एकूण संपत्ती किती?
फोर्ब्स किंवा ब्लूमबर्गसारख्या संस्थांकडून सीजे रॉय यांच्या संपत्तीबद्दल अधिकृत माहिती नाही. पण त्यांच्या व्यवसाय आणि मालमत्तेच्या आधारावर, त्यांची एकूण संपत्ती $1 बिलियनपेक्षा जास्त असल्याचा अंदाज आहे. म्हणजेच भारतीय रुपयांमध्ये हजारो कोटी रुपये.
आलिशान जीवनशैली...
सीजे रॉय त्यांच्या आलिशान जीवनशैलीसाठी ओळखले जात होते. त्यांच्याकडे 12 रोल्स रॉयस, बेंटले, लॅम्बोर्गिनी यांसारख्या अनेक महागड्या गाड्या होत्या. त्यांच्याकडे एक प्रायव्हेट जेट आणि आलिशान घरेही होती. त्यांचा प्रवास अनेक तरुण उद्योजकांसाठी प्रेरणादायी होता.
