Bombay High Court Bharti 2025 : मुंबई उच्च न्यायालयात ८३ जागांसाठी मेगा भरती! ₹४६,००० पगार आणि अर्ज शुल्कही नाही; 'या' तारखेपर्यंत करा अर्ज

Bombay High Court Bharti 2025 : मुंबई उच्च न्यायालयाने आयटी क्षेत्रातील तरुणांसाठी सिस्टिम ऑफिसर, सिनियर सिस्टिम ऑफिसर पदांसाठी ८३ जागांची भरती जाहीर केली. या पदांसाठी नोकरीची संधी मिळत असून, विशेष म्हणजे यासाठी कोणतेही अर्ज शुल्क आकारले जाणार नाही.

1 Min read

Author : Rameshwar Gavhane

Published : Jan 04 2026, 04:12 PM IST

Share this Photo Gallery

FB
TW
Linkdin
Whatsapp
GNFollow Us

Image Credit : ANI

मुंबई उच्च न्यायालयात ८३ जागांसाठी मेगा भरती! ₹४६,००० पगार आणि अर्ज शुल्कही नाही

मुंबई : नवीन वर्षात सरकारी नोकरीचे स्वप्न पाहणाऱ्या आयटी (IT) क्षेत्रातील तरुणांसाठी मुंबई उच्च न्यायालयाने आनंदाची बातमी दिली आहे. उच्च न्यायालयाच्या विविध खंडपीठांमध्ये सिस्टिम ऑफिसर आणि सिनियर सिस्टिम ऑफिसर पदांसाठी मोठी भरती जाहीर करण्यात आली आहे. विशेष म्हणजे या भरतीसाठी अर्जदारांना कोणतेही शुल्क भरावे लागणार नाही.

Image Credit : Asianet News

रिक्त पदांचा तपशील

मुंबई उच्च न्यायालयाने एकूण ८३ जागांसाठी ही जाहिरात प्रसिद्ध केली आहे.

सिस्टिम ऑफिसर (System Officer): ५४ पदे

सिनियर सिस्टिम ऑफिसर (Senior System Officer): २९ पदे

एसटीचा 'मास्टरस्ट्रोक'! आता २० दिवसांच्या भाड्यात महिनाभर प्रवास; MSRTC ची नवी ई-बस पास योजना लाँच

रत्नागिरीपासून जवळच आहे एक बीच, शांत आणि सुनसान बीचवर घालवा निवांत वेळ

Image Credit : our own

शैक्षणिक पात्रता आणि अनुभव

दोन्ही पदांसाठी उमेदवारांकडे खालील पात्रता असणे आवश्यक आहे.

शिक्षण: B.E./B.Tech (Computer Science/IT/Electronics) किंवा MCA पदवी.

अतिरिक्त प्रमाणपत्रे: नेटवर्क प्रमाणपत्र (MCSE / RHCE) किंवा समकक्ष पात्रता आणि RHEL (Red Hat Enterprise Linux) चे ज्ञान.

अनुभव: सिस्टिम ऑफिसरसाठी: किमान ०१ वर्षाचा अनुभव.

सिनियर सिस्टिम ऑफिसरसाठी: किमान ०५ वर्षांचा अनुभव.

Image Credit : bombayhighcourt.nic.in

पगार आणि वयोमर्यादा

निवड झालेल्या उमेदवारांना पदानुसार ४०,००० ते ४६,००० रुपयांपर्यंत आकर्षक मानधन दिले जाणार आहे.

वयोमर्यादा: २९ डिसेंबर २०२५ पर्यंत उमेदवाराचे वय ४० वर्षांपेक्षा जास्त नसावे.

सवलत: SC आणि ST प्रवर्गातील उमेदवारांना वयोमर्यादेत ०५ वर्षांची सूट देण्यात आली आहे.

Image Credit : social media

अर्जाची महत्त्वाची तारीख आणि लिंक्स

या पदांसाठी केवळ ऑनलाईन पद्धतीने अर्ज स्वीकारले जाणार आहेत.

अर्जाची शेवटची तारीख: १५ जानेवारी २०२६ (संध्याकाळी ५:३० वाजेपर्यंत)

अधिकृत जाहिरात पाहण्यासाठी: https://drive.google.com/file/d/1oBz796nWklreXGRcaQMef9a49xYBmXak/view

ऑनलाईन अर्ज करण्यासाठी: https://bhc.gov.in/bhcsysadmin/

Image Credit : our own

महत्त्वाची टीप

नवीन वर्षाच्या मुहूर्तावर सुरू झालेली ही प्रक्रिया सर्व उमेदवारांसाठी विनामूल्य आहे, त्यामुळे पात्रता असणाऱ्या तरुणांनी ही सुवर्णसंधी सोडू नये.

About the Author

Rameshwar Gavhane

रामेश्वर गव्हाणे हे asianetnews.com या प्रथितयश संस्थेच्या मराठी एशियानेट विभागात कंटेट रायटर या पदावर कार्यरत आहेत. त्यांनी रानडे इन्स्टिट्युट येथून पत्रकारितेचे पदव्युत्तर शिक्षण पूर्ण केलं असून पॉलिटिकल सायन्समध्ये पदव्युत्तर शिक्षण घेतले आहे. त्यांनी असिस्टेंट प्रोड्यूसर म्हणून टीव्ही ९ मराठी या न्यूज चॅनलमधून पत्रकारितेला सुरुवात केली. त्यानंतर त्यांनी लोकशाही मराठी न्यूज चॅनलमध्येही असिस्टेंट प्रोड्यूसर म्हणून काम केले आहे. त्यानंतर त्यांनी इनशॉर्ट्स पब्लिक अॅप येथे कंटेट स्पेशॅलिस्ट म्हणून काम केले आहे. त्यांना पत्रकारितेत एकूण ६ वर्षांचा अनुभव आहे. रामेश्वर गव्हाणे यांना राजकीय, सामाजिक विषय, गुन्हे या विषयावर लिहायला आवडते. त्यांना टीव्ही आणि डिजीटल मिडिया क्षेत्रात कामाचा अनुभव आहे.