रत्नागिरी हे कोकणातील एक महत्त्वाचे पर्यटन केंद्र आहे, जिथे गणपतीपुळे, आरे-वारे बीच, ऐतिहासिक जयगड किल्ला आणि पावस सारखी धार्मिक स्थळे पर्यटकांना आकर्षित करतात.
रत्नागिरी हे कोकणातील एक महत्त्वाचे पर्यटन केंद्र म्हणून ओळखले जाते. निसर्गसौंदर्य, स्वच्छ समुद्रकिनारे, ऐतिहासिक किल्ले आणि धार्मिक स्थळांमुळे दरवर्षी हजारो पर्यटक रत्नागिरीकडे आकर्षित होतात. विशेषतः सुट्टीच्या काळात रत्नागिरीपासून जवळ असलेल्या पर्यटनस्थळांना पर्यटकांची मोठी गर्दी पाहायला मिळत आहे.
हे बीच आहेत जवळ
रत्नागिरीपासून अवघ्या काही अंतरावर गणपतीपुळे, भाट्ये बीच, आरे-वारे हे समुद्रकिनारे असून हे ठिकाण पर्यटकांचे खास आकर्षण ठरत आहेत. गणपतीपुळे येथील स्वयंभू गणपती मंदिरामुळे धार्मिक पर्यटकांची संख्या मोठी आहे, तर आरे-वारे आणि भाट्ये समुद्रकिनारे शांत वातावरण आणि सुंदर सूर्यास्तासाठी प्रसिद्ध आहेत.
जयगड किल्ला आहे फेमस
इतिहासप्रेमींसाठी जयगड किल्ला हे महत्त्वाचे ठिकाण आहे. अरबी समुद्राच्या काठावर उभा असलेला हा किल्ला आणि येथील दीपगृह पर्यटकांना आकर्षित करत आहेत. किल्ल्यावरून दिसणारे समुद्राचे विहंगम दृश्य पर्यटकांना विशेष भावते.
Related Articles
धार्मिक पर्यटनाच्या दृष्टीने पावस आणि संगमेश्वर ही ठिकाणे महत्त्वाची आहेत. पावस येथे श्री स्वामी स्वरूपानंद महाराजांची समाधी असून भाविक मोठ्या संख्येने येथे भेट देतात. संगमेश्वर येथील प्राचीन शंकर मंदिर आणि नदीसंगमामुळे हे ठिकाण श्रद्धेचे केंद्र मानले जाते.
कोकण परिसरात होणार विकास
एकूणच रत्नागिरी आणि परिसरातील पर्यटनस्थळांमुळे कोकण पर्यटनाला चालना मिळत असून स्थानिक व्यवसायालाही त्याचा लाभ होत आहे. प्रशासनाकडून मूलभूत सुविधांवर भर देण्यात येत असून येत्या काळात रत्नागिरी पर्यटनाचा आणखी विकास होईल, असा विश्वास व्यक्त केला जात आहे
