साक्षी धोनीसारखा 'चंबा रुमाल' सूट, तुमच्या लुकला लावेल चार चॉंद

सचिन तेंडुलकरचा मुलगा अर्जुनच्या लग्नात क्रिकेटर धोनीची पत्नी साक्षी एका खास अंदाजात दिसली. तिने एथनिक लूकसाठी पारंपरिक 'चंबा रुमाल' एम्ब्रॉयडरी असलेला सूट निवडला होता.

'चंबा रुमाल'वरील नक्षीकाम एखाद्या पेंटिंगसारखं दिसतं. यात रंगीबेरंगी धाग्यांनी कापडावर फुलं, पानं, पक्षी किंवा पौराणिक कथांमधील चित्रं काढली जातात. उन्हाळ्यात असे सूट सुंदर दिसतात.

या एम्ब्रॉयडरीसाठी 'डोरुखा टांका' (Dorukha Tanka) नावाचं खास तंत्र वापरलं जातं. या डबल साटन स्टिचमुळे कापडाच्या दोन्ही बाजूंना म्हणजे पुढच्या, मागच्या बाजूला एकसारखीच डिझाइन दिसते.

अशा प्रकारच्या सूटसाठी सहसा हलका ऑफ-व्हाइट किंवा क्रीम रंगाचा बेस वापरला जातो. त्यावर मल्टीकलर फुलांची एम्ब्रॉयडरी आणि हँडवर्क बॉर्डर हे या सूटचं वैशिष्ट्य आहे.

'चंबा रुमाल' एम्ब्रॉयडरीची कला १७ व्या-१८ व्या शतकात चंबामध्ये विकसित झाली. पूर्वी राजघराण्यातील महिला अशा प्रकारची कलाकुसर करायच्या.

हँड एम्ब्रॉयडरी असलेले डिझायनर सूट २०००० रुपयांपासून ते ५०००० रुपयांपर्यंत मिळतात. जर तुम्हाला स्वस्त पर्याय हवा असेल तर मशीन एम्ब्रॉयडरी सूट ३००० ते ८००० रुपयांपर्यंत उपलब्ध आहेत.