Mumbai Local News: मुंबईकरांचा प्रवास आता 'बुलेट' वेगाने! लोकलचं रूप पालटणार; येत आहे 'वंदे मेट्रो' AC लोकल, पाहा काय आहेत फीचर्स

Mumbai Local News: मुंबईची लाईफलाईन असलेल्या लोकल ट्रेनचा मेक इन इंडिया अंतर्गत कायापालट होणार असून लवकरच वंदे मेट्रो एसी लोकल रुळांवर धावणार आहे. ही लोकल ताशी १३० किलोमीटर वेगाने धावून प्रवाशांचा वेळ वाचवेल आणि प्रवास आरामदायी व सुरक्षित करेल.

Image Credit : Social media

मुंबईकरांचा प्रवास आता 'बुलेट' वेगाने! लोकलचं रूप पालटणार

मुंबई : मुंबईची लाईफलाईन असलेल्या लोकल ट्रेनचा आता पूर्णपणे कायापालट होणार आहे. रोजच्या धावपळीच्या प्रवासात घाम गाळणाऱ्या मुंबईकरांसाठी रेल्वेने एक मोठी आनंदाची बातमी दिली आहे. 'मेक इन इंडिया' अंतर्गत आता मुंबईच्या रुळांवर अत्याधुनिक 'वंदे मेट्रो' (Vande Metro) एसी लोकल धावणार आहे. ही ट्रेन केवळ आरामदायीच नाही, तर सुरक्षिततेच्या दृष्टीनेही जागतिक दर्जाची असणार आहे. 

Image Credit : X(Twitter)

प्रवासाचा वेग वाढणार, वेळ वाचणार!

वंदे मेट्रो लोकलची सर्वात मोठी खासियत म्हणजे तिचा वेग. ही लोकल ताशी १३० किलोमीटर वेगाने धावण्यास सक्षम आहे. यामुळे उपनगरातून मुंबईच्या दिशेने येणाऱ्या प्रवाशांचा प्रवासाचा वेळ लक्षणीयरीत्या कमी होईल. तसेच, १८ डब्यांच्या या भव्य ट्रेनमुळे प्रवासी वहनक्षमता वाढून गर्दीतून दिलासा मिळण्याची शक्यता आहे. 

Image Credit : Getty

विमानासारख्या सुविधा आता लोकलमध्ये

वंदे मेट्रोमध्ये प्रवाशांच्या आरामासाठी हायटेक सोयीसुविधा देण्यात आल्या आहेत.

धक्केमुक्त प्रवास: एअर-स्प्रिंग सेकंडरी सस्पेन्शन प्रणालीमुळे गाडी कितीही वेगात असली तरी प्रवाशांना धक्के जाणवणार नाहीत.

चार्जिंग आणि इन्फोटेनमेंट: प्रवाशांसाठी डब्यात यूएसबी चार्जिंग पॉइंट्स आणि प्रवासादरम्यान मनोरंजनासाठी इन्फोटेनमेंट स्क्रीन असतील.

लाईव्ह मॅप: प्रवाशांना स्टेशनची माहिती देण्यासाठी रिअल-टाइम लोकेशन दाखवणारे नकाशे (Digital Maps) असतील.

मोकळी जागा: यंत्रणा डब्याच्या छत आणि तळभागावर बसवल्यामुळे प्रवाशांना उभे राहण्यासाठी अधिक जागा मिळेल. 

Image Credit : Getty

सुरक्षिततेला सर्वोच्च प्राधान्य

धावत्या लोकलमधून पडून होणारे अपघात रोखण्यासाठी या गाडीत स्वयंचलित दरवाजे (Automatic Doors) असतील. तसेच, दिव्यांग प्रवाशांसाठी आणि व्हीलचेअरसाठी स्वतंत्र जागेची तरतूद करण्यात आली आहे. गादीयुक्त आसनांमुळे प्रवाशांचा लांबचा प्रवासही सुखाचा होणार आहे.

Image Credit : Getty

मुंबई रेल्वे विकास महामंडळाचा (MRVC) विश्वास

"वंदे मेट्रोमुळे मुंबईची उपनगरीय रेल्वे सेवा जागतिक दर्जाची होईल. मुंबईकरांचा प्रवास केवळ वेगवान नाही, तर गारेगार आणि सुरक्षित होईल."