Mumbai Womans Clever Hack for a Seat in Crowded Local Train : मुंबई लोकलच्या गर्दीत सीट मिळवण्यासाठी एका महिलेने केलेल्या अनोख्या जुगाडाचा व्हिडिओ सोशल मीडियावर प्रचंड व्हायरल झाला आहे. तिने आपल्या बॅगेतून एक पोर्टेबल स्टूल काढून स्वतःची सीट तयार केली.
Mumbai Womans Clever Hack for a Seat in Crowded Local Train : मुंबईची लाईफलाईन असलेल्या लोकल ट्रेनमधील गर्दी काही नवीन नाही. याच गर्दीत सीट मिळवण्यासाठी एका महिलेने केलेला एक जबरदस्त जुगाड सध्या सोशल मीडियावर धुमाकूळ घालत आहे. हा व्हायरल झालेला व्हिडिओ मुंबई उपनगरीय रेल्वेमधील आहे. विरारला जाणाऱ्या लोकल ट्रेनमध्ये शूट केलेला हा व्हिडिओ, मुंबईच्या प्रवाशांच्या रोजच्या संघर्षावर आणि त्यातून मार्ग काढण्याच्या त्यांच्या हटके अंदाजावर अचूकपणे बोट ठेवतो.
पाहा व्हायरल व्हिडिओ
या व्हिडिओमध्ये दिसतं की, एक महिला गर्दीच्या डब्यात उभी आहे. ती आपल्या बॅगेतून एक लहान, पोर्टेबल स्टूल बाहेर काढते आणि डब्यात जिथे जागा मिळेल तिथे ते उघडून बसते. नेहमीच्या सीट उपलब्ध नसतानाही, तिने प्रवासासाठी आणलेल्या या स्टूलमुळे तिला आरामात बसता आलं.
Related Articles
गर्दीच्या वेळी एक रिकामी जागा शोधून ती तिथे बसली आणि बाकीचे प्रवासी आश्चर्याने तिच्याकडे पाहू लागले. व्हिडिओमध्ये ती महिला हसते आणि म्हणते, "विरार लोकल में बैठने के लिए आयडिया चाहिये. सीट ही सीट है... क्या बोलता है पब्लिक?" या व्हिडिओवर "विरार लोकल ट्रेन में सीट का जुगाड" असं लिहिलेलं आहे.
व्हायरल व्हिडिओवर नेटकऱ्यांच्या प्रतिक्रिया
सोशल मीडियावर या व्हिडिओवर वेगवेगळ्या प्रतिक्रिया येत आहेत. काही जण महिलेच्या या कल्पकतेचं कौतुक करत आहेत, तर काही जण मजेशीर कमेंट्स करत आहेत. एका युझरने तिच्या जुगाडाची प्रशंसा करत म्हटलं, "माणसाच्या शरीरातील सर्वात मौल्यवान भागाचा, म्हणजे मेंदूचा योग्य वापर."
अनेक कमेंट्समध्ये हा व्हिडिओ मुंबईतील सामान्य प्रवाशांसाठी किती मिळताजुळता आहे, हे नमूद केलं आहे. दुसऱ्या एका युझरने गंमतीने म्हटलं, "ये पब्लिक सब जानती है." एका व्यक्तीने लिहिलं, "मुंबईकर खरंच भारी आहेत." तर आणखी एकाने म्हटलं, "आपली सीट आपणच घेऊन चाललेलं बरं."
