Mumbai Local Update: रविवारी मेगाब्लॉकमुळे लोकल सेवा विस्कळीत, जाणून घ्या कोणत्या गाड्या रद्द राहणार!

Mumbai Local Update: येत्या रविवारी, 9 नोव्हेंबर 2025 रोजी, मध्य, पश्चिम रेल्वे मार्गांवर देखभाल कामांमुळे मोठा मेगाब्लॉक जाहीर करण्यात आला आहे. या मेगाब्लॉकमुळे अनेक लोकल गाड्या रद्द होतील, काहींचे मार्ग बदलले जातील, तर काही गाड्या विलंबाने धावतील. 

Image Credit : social media

मुंबईकरांसाठी महत्त्वाची बातमी!

मुंबई: आगामी रविवार, 9 नोव्हेंबर 2025 रोजी मध्य आणि पश्चिम रेल्वे मार्गांवर मोठ्या प्रमाणावर मेगाब्लॉक घेण्यात येणार आहे. या देखभाल आणि अभियांत्रिकी कामांमुळे काही लोकल गाड्यांची वाहतूक विस्कळीत होणार असून, काही गाड्या रद्द तर काहींचे मार्ग बदलले जातील. त्यामुळे रविवारी रेल्वेने प्रवास करणाऱ्यांनी आपले नियोजन पुन्हा तपासून घ्यावे.

Image Credit : fb

मध्य रेल्वे (मुख्य मार्ग)

ब्लॉक स्थान: माटुंगा ते मुलुंड दरम्यान (अप आणि डाऊन जलद मार्ग)

वेळ: सकाळी 11.05 ते दुपारी 3.45

परिणाम:

सीएसएमटीहून सुटणाऱ्या डाऊन जलद लोकल गाड्या माटुंगा स्थानकापासून धीम्या मार्गावर वळवण्यात येतील आणि माटुंगा ते मुलुंड या दरम्यान सर्व थांब्यांवर थांबतील.

ठाण्यापलीकडे जाणाऱ्या जलद गाड्या मुलुंड स्थानकात पुन्हा जलद मार्गावर वळवण्यात येतील.

ठाण्याहून येणाऱ्या अप जलद लोकल मुलुंड स्थानकात धीम्या मार्गावर वळवल्या जाणार असल्याने अप मार्गावर काही प्रमाणात विलंब होण्याची शक्यता आहे. 

Image Credit : X(Twitter)

हार्बर मार्ग

ब्लॉक स्थान: कुर्ला – वाशी दरम्यान (अप आणि डाऊन मार्ग)

वेळ: सकाळी 11.10 ते दुपारी 4.10

परिणाम:

सीएसएमटीहून वाशी, बेलापूर आणि पनवेलकडे जाणाऱ्या तसेच पनवेल/बेलापूर/वाशीहून सीएसएमटीकडे येणाऱ्या सर्व लोकल रद्द राहतील.

प्रवाशांच्या सोयीसाठी या काळात सीएसएमटी–कुर्ला आणि पनवेल–वाशी दरम्यान विशेष लोकल सेवा चालवण्यात येणार आहेत.

Image Credit : Social media

पश्चिम रेल्वे

ब्लॉक स्थान: सांताक्रूझ – गोरेगाव दरम्यान (अप आणि डाऊन धीम्या मार्ग)

वेळ: सकाळी 10 ते दुपारी 3

परिणाम:

या काळात लोकल जलद मार्गावर धावतील. मात्र, विलेपार्ले आणि राम मंदिर स्थानकांवर थांबा राहणार नाही.

प्रवाशांसाठी पर्याय म्हणून हार्बर मार्गावर विलेपार्ले आणि राम मंदिरकडे जाणाऱ्या विशेष लोकल चालवण्यात येतील. 

Image Credit : Getty

मुंबईकरांसाठी सूचना

जर तुम्ही रविवारी लोकलने प्रवास करण्याचा विचार करत असाल, तर वेळापत्रक तपासूनच बाहेर पडा. मेगाब्लॉकदरम्यान वाहतूक बदल झाल्याने काही गाड्यांना विलंब होऊ शकतो किंवा थांबे बदलले जाऊ शकतात.