MSRTC Recruitment 2025: ST मेगाभरती! 17,450 पदांसाठी संधी, 30 हजार पगार; प्रशिक्षणही मोफत!

MSRTC Recruitment 2025: महाराष्ट्र राज्य मार्ग परिवहन महामंडळात (MSRTC) 17,450 चालक व सहाय्यक पदांसाठी कंत्राटी पद्धतीने मेगाभरती जाहीर झाली आहे. या भरतीसाठी उमेदवारांना मोफत प्रशिक्षण दिले जाणार असून, त्यांना सुमारे 30,000 रुपये मासिक वेतन मिळेल.

Image Credit : our own

एसटीमध्ये 17,450 पदांसाठी मेगाभरती

मुंबई: राज्यातील तरुणांना मोठी संधी चालून आली आहे. महाराष्ट्र राज्य मार्ग परिवहन महामंडळात (MSRTC) तब्बल 17,450 चालक व सहाय्यक पदांसाठी मेगाभरती होणार आहे. ही भरती कंत्राटी पद्धतीने करण्यात येणार असून, उमेदवारांना एसटीकडून प्रशिक्षण देखील दिले जाणार आहे. 30 हजार रुपये वेतनासह ही भरती रोजगाराच्या दृष्टीने राज्यातील तरुणांसाठी एक सुवर्णसंधी ठरणार आहे. 

Image Credit : our own

भरती प्रक्रिया कधी सुरू होणार?

परिवहन मंत्री प्रताप सरनाईक यांनी दिलेल्या माहितीनुसार, 2 ऑक्टोबर 2025 पासून ई-निविदा प्रक्रिया सुरू होणार आहे. या प्रक्रियेनंतर मनुष्यबळ पुरवणाऱ्या संस्थांमार्फत महामंडळाला आवश्यक उमेदवार उपलब्ध करून दिले जातील. 

Image Credit : social media

कोणत्या पदासाठी भरती?

चालक (Driver)

सहाय्यक (Conductor/Helper)

एकूण पदे: 17,450

पगार: सुमारे ₹30,000/- प्रतिमहा

पद्धत: कंत्राटी (Contract Basis) 3 वर्षांसाठी

Image Credit : Getty

भरती का गरजेची आहे?

राज्यात आठ हजार नव्या एसटी बसेस लवकरच रस्त्यावर धावणार आहेत. त्यामुळे दर्जेदार व अखंडित सेवा देण्यासाठी भरपूर मनुष्यबळाची गरज आहे. ही भरती होतकरू उमेदवारांना रोजगार तर देईलच, पण प्रवाशांना देखील सुरळीत सेवा अनुभवता येईल. 

Image Credit : social media

प्रशिक्षणाची सुविधा

भरती झालेल्या उमेदवारांना एसटी महामंडळाकडून आवश्यक प्रशिक्षण मोफत दिले जाणार आहे, जे त्यांना कामकाजात योग्य ते कौशल्य आणि ज्ञान प्राप्त करून देईल.

Image Credit : others

निर्णय कसा घेतला गेला?

एमएसआरटीसीच्या 300व्या संचालक मंडळ बैठकीत हा निर्णय घेण्यात आला आहे. सहा प्रादेशिक विभागांनुसार ही ई-निविदा प्रक्रिया राबवली जाणार असून, लवकरच त्याचे सविस्तर वेळापत्रक जाहीर होणार आहे. 

Image Credit : social media

पोलीस भरतीलाही गती

याचबरोबर राज्य सरकारने पोलीस दलातील रिक्त पदे भरण्यालाही मंजुरी दिली आहे. गेल्या काही महिन्यांपासून ही प्रक्रिया रखडली होती, पण आता सरकारच्या निर्णयामुळे पोलीस भरतीलाही गती येणार आहे. 

Image Credit : social media

तरुणांसाठी सुवर्णसंधी

राज्यातील बेरोजगार तरुण-तरुणींनी ही सुवर्णसंधी सोडू नये. भरतीसाठी आवश्यक ती तयारी आत्ताच सुरू करावी. किमान शैक्षणिक पात्रता, कागदपत्रे, वयाची अट आदी लवकरच अधिकृतरीत्या जाहीर होणार आहेत.

ही भरती फक्त नोकरीची संधी नसून, भविष्यातील स्थैर्य आणि प्रतिष्ठेची वाट आहे. त्यामुळे पात्र उमेदवारांनी तयारीला लागावे आणि ही संधी हुकवू नये!