पुणेकरांनो, उन्हाळी सुट्टीत गावी जाण्याचं टेन्शन मिटलं! ST च्या ४५० जादा गाड्या धावणार; पाहा तुमचे रूट!

MSRTC extra buses from Pune: उन्हाळी सुट्टीत प्रवाशांची वाढती गर्दी लक्षात घेता पुणे विभागातून एसटी महामंडळाने ४५० जादा बसेस सोडण्याचा निर्णय घेतला. १५ एप्रिल ते १५ जून दरम्यान या बसेस कोकण, कोल्हापूर, सोलापूर, मराठवाडा, मुंबई या मार्गांवर धावतील. 

Image Credit : our own

पुणेकरांनो, उन्हाळी सुट्टीत गावी जाण्याचं टेन्शन मिटलं!

पुणे: कडक उन्हाळा आणि सोबतीला लागलेली शाळा-महाविद्यालयांची सुट्टी म्हटलं की, पुणेकरांची पावलं गावाची वाट धरतात. रेल्वेचं वेटिंग आणि खासगी बसचे अव्वाच्या सव्वा दर यामुळे हैराण होणाऱ्या प्रवाशांसाठी एसटी महामंडळाने (MSRTC) मोठा दिलासा दिला आहे. पुणे विभागातून राज्याच्या कानाकोपऱ्यात जाण्यासाठी तब्बल ४५० जादा बस सोडण्याचा निर्णय घेण्यात आला आहे. 

Image Credit : social media

१५ एप्रिल ते १५ जून, प्रवाशांची चंगळ!

नोकरी, शिक्षण आणि व्यवसायानिमित्त पुण्यात स्थायिक झालेले लाखो नागरिक उन्हाळ्यात कोकण, कोल्हापूर, सोलापूर अशा विविध ठिकाणी पर्यटनासाठी किंवा गावी जातात. हीच गर्दी लक्षात घेऊन एसटी प्रशासनाने १५ एप्रिल ते १५ जून या दोन महिन्यांच्या कालावधीत विशेष नियोजन केले आहे. 

Image Credit : social media

तुमच्या जवळच्या आगारातून सुटतील या जादा बस

पुण्यातील प्रमुख बस स्थानकांवरून खालीलप्रमाणे जादा फेऱ्यांचे नियोजन करण्यात आले आहे.

स्वारगेट आगार: येथून प्रामुख्याने कोल्हापूर, सोलापूर, सांगली, पंढरपूर, दादर, बोरिवली, ठाणे आणि कल्याण या मार्गांवर जादा बसेस धावतील.

शिवाजीनगर (वाकडेवाडी) आगार: छत्रपती संभाजीनगर, नाशिक, लातूर, धुळे, अकोला या लांब पल्ल्याच्या गाड्यांसह भीमाशंकर आणि बोरिवलीसाठी जादा फेऱ्यांचे नियोजन आहे.

पुणे स्टेशन आगार: पुणे-मुंबई (दादर) या मार्गावरील प्रवाशांची वाढती संख्या लक्षात घेऊन येथे विशेष जादा बसेस उपलब्ध असतील. 

Image Credit : Getty

यंदा गर्दीचा 'पीक टाईम' बदलणार?

साधारणपणे १० ते १२ एप्रिल दरम्यान शाळांच्या परीक्षा संपतात, पण यंदा परीक्षेचे वेळापत्रक थोडे लांबले असून २५ एप्रिलपर्यंत परीक्षा सुरू राहणार आहेत. त्यामुळे यंदा प्रवाशांची खरी झुंबड २५ एप्रिलनंतर बघायला मिळण्याची शक्यता आहे. हेच ओळखून एसटीने आपले वेळापत्रक लवचिक ठेवले आहे. 

Image Credit : others

स्मार्ट टिप

उन्हाळ्यातील गर्दी टाळण्यासाठी आणि आपला प्रवास सुखकर करण्यासाठी एसटीच्या अधिकृत वेबसाईट किंवा मोबाईल ॲपवरून आगाऊ आरक्षण (Online Booking) करण्यास विसरू नका!