- Home
- Maharashtra
- Maharashtra Weather Alert: महाराष्ट्रात पावसाचं पुन्हा एकदा जोरदार आगमन, 19 जिल्ह्यांसाठी यलो अलर्ट जारी
Maharashtra Weather Alert: महाराष्ट्रात पावसाचं पुन्हा एकदा जोरदार आगमन, 19 जिल्ह्यांसाठी यलो अलर्ट जारी
Maharashtra Weather Alert: महाराष्ट्रामध्ये पावसाने पुन्हा एकदा जोर धरला असून, हवामान खात्याने बुधवारी १९ जिल्ह्यांना यलो अलर्ट जारी केला आहे. कोकण, मराठवाडा, पश्चिम महाराष्ट्र आणि विदर्भातील अनेक भागांत मुसळधार पावसाचा इशारा देण्यात आला आहे.
बुधवारी 19 जिल्ह्यांना यलो अलर्ट
मुंबई: महाराष्ट्रात पावसाने पुन्हा एकदा तडाखा दिला असून, हवामान खात्याने येत्या बुधवारी 19 जिल्ह्यांना यलो अलर्ट जारी केला आहे. राज्यभरात गेल्या काही दिवसांपासून पावसाने जोरदार हजेरी लावली आहे आणि त्याचा परिणाम जनजीवनावर दिसून येत आहे.
Thunderstorm accompanied with lightning, light to moderate rain with gusty winds 30-40 kmph very likely to occur at isolated places in the districts of South Madhya Maharashtra.
तपशीलवार जिल्हानिहाय हवामान अंदाज व चेतावणीसाठी कृपया. https://t.co/jw7yrf9chD भेट घ्या. pic.twitter.com/9YMVlMue9A— Regional Meteorological Center,Mumbai (@RMC_Mumbai) September 16, 2025
कोकण, मुंबई, मराठवाडा, मुसळधार पावसाचा इशारा
मुंबईसह कोकण आणि मराठवाड्यात पावसाचा जोर अधिक आहे. काही भागांत नद्यांना पूर आला असून वाहतूक आणि दैनंदिन व्यवहारांवर परिणाम झाला आहे. पुढील दोन दिवस पावसाचा जोर तसाच कायम राहण्याची शक्यता हवामान विभागाने वर्तवली आहे.
मुंबई शहर व उपनगरात मध्यम पाऊस आणि अंशतः ढगाळ हवामान राहण्याची शक्यता. तापमान: कमाल 29°C, किमान 24°C.
रायगड, रत्नागिरी, सिंधुदुर्ग जिल्ह्यांमध्ये अनेक ठिकाणी जोरदार ते मुसळधार पावसाचा अंदाज; यलो अलर्ट जारी.
पश्चिम महाराष्ट्र – पुणे, सातारा, सांगली, सोलापूर यांना अलर्ट
कोल्हापूर वगळता पुणे, सातारा, सांगली आणि सोलापूर या जिल्ह्यांमध्ये 17 सप्टेंबर रोजी जोरदार पावसाची शक्यता आहे. त्यामुळे या जिल्ह्यांनाही यलो अलर्ट देण्यात आला आहे.
मराठवाडा – आठही जिल्ह्यांना मुसळधार पावसाचा इशारा
मराठवाड्यातील सर्व आठ जिल्ह्यांना हवामान खात्याने यलो अलर्ट जारी केला आहे. या भागात वादळी वाऱ्यासह (30 ते 40 किमी/तास) विजांच्या कडकडाटासह मुसळधार पावसाचा अंदाज आहे.
उत्तर महाराष्ट्र – थोडा दिलासा, परंतु नाशिक व जळगावात मध्यम पाऊस
उत्तर महाराष्ट्रात पावसाचा जोर थोडासा कमी होणार आहे. नाशिक, जळगाव, धुळे, नंदुरबार येथे हलका ते मध्यम पाऊस होण्याची शक्यता आहे. अहिल्यानगर वगळता अन्य जिल्ह्यांना कोणताही अलर्ट नाही.
विदर्भ – काही जिल्ह्यांमध्ये अजूनही पावसाचा इशारा
विदर्भातील अमरावती, नागपूर आणि गडचिरोली जिल्ह्यांना यलो अलर्ट देण्यात आला आहे. उर्वरित बुलढाणा, अकोला, वाशिम, यवतमाळ, वर्धा, भंडारा, गोंदिया इ. जिल्ह्यांमध्ये हलका ते मध्यम पाऊस होण्याची शक्यता आहे.
कमी दाबाचं क्षेत्र कारणीभूत
विदर्भ व तेलंगणाच्या सीमेवर निर्माण झालेल्या कमी दाबाच्या पट्ट्यामुळे राज्यात पावसाचा जोर वाढला आहे. मराठवाड्यात विशेषतः मागील काही दिवसांत पावसामुळे मोठ्या प्रमाणात अडचणी निर्माण झाल्या आहेत.
नागरिकांनी खबरदारी घ्यावी
पुढील 2-3 दिवस राज्यात पावसाचा जोर कायम राहण्याची शक्यता आहे. त्यामुळे नागरिकांनी अनावश्यक प्रवास टाळावा, पावसात सुरक्षित राहावे, आणि अधिकृत हवामान खात्याच्या सूचनांकडे लक्ष द्यावे.
